Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,283,886 411
DEATHS 28,704 7
Sindh 475,097 Cases
Punjab 442,876 Cases
Balochistan 33,471 Cases
Islamabad 107,601 Cases
KP 179,888 Cases

ایف آئی اے کرائم سرکل نے میر پور خاص میں کارروائی کرتے ہوئے چینی کی قیمت میں مصنوعی اضافے میں ملوث شوگر مافیا کے بروکر جگل کشور کو گرفتار کرلیا۔

ایف آئی اے ذرائع کے مطابق جگل کشور نامی فری لانس بروکر دیگر11سٹے بازوں کے ساتھ چینی کے داموں میں مصنوعی اضافے میں ملوث ہے۔

ذرائع کے مطابق ملزم جے ڈی ڈبلیو شوگر مل کے علاوہ میرپور خاص کی تین شوگر ملز کے ساتھ کام کرتا رہا ہے۔ ملزم اور اس کے ساتھی کسی شوگر مل کے باقاعدہ بروکر نہیں ہیں۔

ذرائع کا کہنا ہے کہ ملزم اپنے ساتھیوں کے ساتھ شوگر مافیا کے مختلف واٹس ایپ گروپس کے ذریعے سٹہ بازی میں ملوث ہیں، جن کے خلاف ایف آئی آر درج کرکے مزید کارروائی کی جاری ہے۔

ڈپٹی ڈائریکٹر ایف ائی اے وصی اللہ بھٹی کے مطابق ملزم کے 7 مختلف بے نامی اکاؤنٹس کے ذریعے کروڑوں روپے کے سٹہ بازی کے شواہد سامنے آئے ہیں۔

مذکورہ اکاونٹس کے علاوہ ملزم کے دیگر ساتھیوں کے بے نامی اکاؤنٹس کا بھی سراغ لگایا جا رہا ہے۔