Aaj TV News

BR100 4,570 Decreased By ▼ -108 (-2.31%)
BR30 17,697 Decreased By ▼ -927 (-4.98%)
KSE100 44,833 Decreased By ▼ -674 (-1.48%)
KSE30 17,652 Decreased By ▼ -274 (-1.53%)
COVID-19 TOTAL DAILY
CASES 1,338,993 5,472
DEATHS 29,037 8
Sindh 509,308 Cases
Punjab 455,499 Cases
Balochistan 33,744 Cases
Islamabad 112,557 Cases
KP 182,619 Cases

اسلام آباد:کورونا وباء کے پیش نظر بیرون ملک سے آنے والے مسافروں کیلئے سخت شرائط عائد کردی گئیں،اب ہر مسافر کو ریپڈ اینٹی جین ٹیسٹ کرانا ہوگا، یہ ٹیسٹ بدھ کی رات سے شروع ہوگا۔

ملک کے تمام ایئرپورٹس پرانسداد کورونا کے اقدامات مزید سخت کردیئےگئے،بیرون ملک سے آنے والے مسافروں کیلئے سخت شرائط عائد کردی گئیں۔

ایئرپورٹس پر بدھ کی رات سے ریپڈ اینٹی جنٹ ٹیسٹ شروع ہو جائیں گے، جس کی رپورٹ 20منٹ کے اندر اندرحاصل ہو گی۔

رپورٹ مثبت آنے پر مسافرکو اپنے خرچے پر قرنطینہ کرنا ہوگا، متاثرہ مسافروں کو نجی ہوٹل میں رکھاجائے گا، 8دن بعد دوبارہ ٹیسٹ منفی آنے پر گھر جانے کی اجازت ہو گی، 12 سال سے کم عمر بچے ، خصوصی افراد اس شرط سے مستثنیٰ ہوں گے۔

ملک میں ایک دن میں ڈیڑھ لاکھ سے زائد افراد کو ویکسین لگائی گئی،اسد عمر

دوسری جانب وفاقی وزیراسد عمر نے سماجی رابطے کی ویب سائٹ ٹوئٹر پر اپنے ٹوئٹ میں کہاکہ گزشتہ روز پہلی دفعہ کسی بھی ایک روز میں ویکسین لگانے کی تعداد ڈیڑھ لاکھ سے تجاوزکر گئی،3مئی کو ایک لاکھ 64ہزار سے زائد افراد کو ویکسین لگائی گئی،کل پہلا دن تھا 40سال سے اور اس سے زائد عمر کے لوگوں کو ویکسین لگائی گئی۔

این سی او سی کے مطابق اب تک ملک بھر انسداد کورونا ویکسین لگانے کی تعداد 27لاکھ 66ہزار108 ہو چکی ہے۔