بچوں کے سوالات سے تنگ اغواکار سکول بس چھوڑ کر فرار
امریکا میں ایک انوکھا واقعہ پیش آیا ہے جسے پڑھ کر آپ بھی ایک لمحے کیلئے مسکرا اٹھیں گے۔
امریکی ریاست جنوبی کیرولینا کے معروف شہر کولمبیا میں اس وقت دلچسپ صورتحال پیدا ہوگئی جب ایک اغواکار نے بچوں کی سکول بس کو اغوا کیا۔ لیکن وہ ان کے سوالات سے اس قدر تنگ آیا کہ بس ہی چھوڑ کر فرار ہو گیا۔
مذکورہ سکول بس کم از کم اٹھارہ بچوں کو لے جا رہی تھی کہ اچانک ایک شخص نے اس میں زبردستی سوار ہو کر سب کو یرغمال بنا لیا۔
کولمبیا کی پولیس کا کہنا ہے کہ اغواکار کا مقصد بچوں کو یرغمال بنا کر حکام سے اپنے مطالبات منوانا تھا، لیکن بچوں نے اسے اس قدر تنگ کیا کہ وہ اپنی جان چھڑا کر بھاگ گیا۔
امریکی پولیس کا کہنا ہے کہ بچوں کی بس کو 23 سالہ اغوا کارکو کچھ دیر بعد ہی گرفتار کر لیا گیا تھا، جو فوج کا سپاہی ہے۔
پولیس نے ملزم کو عدالت کے روبرو پیش کرنے کی تیاریاں شروع کر دی ہیں۔ اس پر بچوں کے اغوا، ڈکیتی اور دیگر سنگین دفعات کے تحت مقدمہ درج کر لیا گیا ہے۔
Comments are closed on this story.