Aaj News

محرم الحرام: چاند دیکھنے کیلئے مرکزی رویت ہلال کمیٹی کا اجلاس آج ہوگا

چیئرمین عبدالخبیر آزاد کی زیر صدارت محرم الحرام کا چاند دیکھنے...
شائع 09 اگست 2021 10:06am

چیئرمین عبدالخبیر آزاد کی زیر صدارت محرم الحرام کا چاند دیکھنے کیلئے مرکزی رویت ہلال کمیٹی کا اجلاس آج کوئٹہ میں ہوگا۔ جبکہ صوبائی اور ضلعی رویت ہلال کمیٹیوں کے اجلاس اپنے اپنے ہیڈ کوارٹرز میں ہوں گے۔

دوسری جانب پنجاب حکومت نے 9 اور 10 محرم الحرام کو لاہور سمیت بڑے شہروں میں موبائل فون سروس بند رکھنے کا فیصلہ کیا ہے۔

محکمہ داخلہ پنجاب کے مطابق موبائل فون سروس کی بندش کا اطلاق ذوالجناح کے جلوسوں کے روٹس پر ہوگا۔ صوبے کے مزید شہروں کے ناموں کی بھی فہرست طلب کرلی ہے۔

شہر کے حساس علاقوں میں موبائل فون سروس بند رکھی جائے گی۔ لاہور میں یوم عاشور کے جلوس کے روٹس اور گردونواح میں موبائل فون سروس بند کی جائے گی۔

ذرائع کے مطابق لاہور کے دیگر علاقوں میں موبائل فون سروس بحال رہے گی۔ ملتان، راولپنڈی، فیصل آباد، جھنگ، بہاو لپور، رحیم یار خان، اٹک، ڈی جی خان سمیت متعدد بڑے اضلاع میں موبائل فون سروس بند ہوگی۔

Ruet e Hilal Committee

محرم

Moon sighting

Comments are closed on this story.

مقبول ترین