وزیراعظم عمران خان نے چترال میں جنگل کی آگ بجھاتے ہوئے جان دینے والے اہلکارجمشید اقبال کو خراج تحسین پیش کیا ہے۔

وزیراعظم عمران خان نے ٹوئٹ میں کہا کہ 19 اگست کو فارسٹر چترال فاریسٹ ڈویژن جمشید اقبال چمورکن، گول پروٹیکٹڈ فاریسٹ کمپارٹمنٹ نمبر 01 میں لگی آگ بجھا رہے تھے کہ اس دوران ہیرو جمشید اقبال جنگل میں لگی آگ بجھاتے ہوئے شہید ہوئے۔

وزیراعظم نے کہا کہ یہ ہمارے ہیرو ہیں جو سبز پاکستان کے لیے ہمارے جنگلات کی حفاظت کررہے ہیں۔

واضح رہے کہ محکمہ جنگلات کا نوجوان اہلکارجمشید اقبال آگ بجھاتے ہوئے اپنا توازن برقرار نہ رکھ سکا اور انتہائی گہری کھائی میں گر کر جاں بحق ہوگیا تھا۔