Aaj News

ہفتہ, جون 15, 2024  
08 Dhul-Hijjah 1445  

نواب شاہ :مال گاڑی سے لاکھوں روپے مالیت کا ہزاروں لیٹر تیل بہہ گیا

نواب شاہ کے قریب پاکستان ریلوے کی مال گاڑی کے آئل ٹینکر سے ...
شائع 29 اگست 2021 02:06pm

نواب شاہ کے قریب پاکستان ریلوے کی مال گاڑی کے آئل ٹینکر سے لاکھوں روپے مالیت کا ہزاروں لیٹر تیل بہہ گیا۔

ذرائع پاکستان ریلوے کا بتانا ہے کہ مال گاڑی کراچی سے ملتان جا رہی تھی جس میں ہزاروں لیٹر فرنس آئل موجود تھا۔

ذرائع کے مطابق سفر کے دوران نواب شاہ کے قریب مال گاڑی کے آئل ٹینکر کے جوائنٹ کھل گئے ،ڈرائیور، اسسٹنٹ ڈرائیور،گارڈ اور اسٹیشن کے عملے نے بہتے تیل کو روکنے کی ہر ممکن کوشش کی لیکن ناکام رہے اور تقریباً 3 گھنٹوں میں آئل ٹینکر سے سارا تیل بہہ گیا۔

ذرائع کا بتانا ہے کہ مال گاڑی کے آئل ٹینکر سے بہنے والے تیل کی مالیت 50 سے 60 لاکھ روپے کے درمیان ہے۔

ریلوے کی ٹیکنیکل ٹیم بھی موقع پر پہنچ گئی ہے اور تیل بہنے کے واقعے کا جائزہ لیا جا رہا ہے۔

پولیس کا کہنا ہے کہ آئل ٹینکر سے بہنے والے تیل میں آگ لگنے کے خدشے کے پیش نظر سیکیورٹی سخت کر دی گئی ہے اور عوام کو دور رکھا جا رہا ہے۔

Pakistan Railway

NawabShah

oil tanker

freight train