Aaj TV News

BR100 4,861 Increased By ▲ 3 (0.07%)
BR30 23,970 Increased By ▲ 105 (0.44%)
KSE100 45,831 Decreased By ▼ -178 (-0.39%)
KSE30 18,088 Decreased By ▼ -91 (-0.5%)
COVID-19 TOTAL DAILY
CASES 1,230,238 2,333
DEATHS 27,374 47
Sindh 452,267 Cases
Punjab 424,701 Cases
Balochistan 32,796 Cases
Islamabad 104,472 Cases
KP 171,874 Cases

انسٹاگرام کی جانب سے اعلامیہ جاری کیا گیا ہے جس میں کہا گیا ہے کہ اس پلیٹ فارم کو محفوظ بنانے کے لیے اب تاریخ پیدائش کی ضرورت ہوگی۔

خبر رساں ادارے روئٹرز کے مطابق انسٹاگرام نے کہا ہے کہ یہ اقدام نوجوانوں کے لیے پلیٹ فارم کو محفوظ بنانے کے لیے ہے۔

انسٹاگرام نے ایک بلاگ پوسٹ میں کہا ہے کہ وہ معلومات کا استعمال اس بات کو یقینی بنانے کے لیے کرے گی کہ صحیح گروپ کے افراد کو صحیح تجربات فراہم کیے جائیں۔

گذشتہ مہینے انسٹاگرام نے کہا تھا کہ 16 سال سے کم عمر صارفین جب اس پلیٹ فارم پر آئیں گے تو وہ ان کے اکاؤنٹس کو خودکار طریقے سے پرائیویٹ کر دے گا۔

انسٹاگرام نے کہا ہے کہ جب صارفین انسٹاگرام کھولیں گے تو ان سے ان کی تاریخ پیدائش کے بارے میں پوچھا جائے گا اور اگر کوئی صارف اپنی تاریخ پیدائش نہیں دیتا تو اس کو نوٹیفیکیشز بھیجے جائیں گے۔

انسٹاگرام کے مطابق ایپلی کیشن کا استعمال جاری رکھنے کے لیے صارفین سے تاریخ پیدائش دینے کے بارے میں بھی کہا جائے گا۔

یہ تبدیلیاں انسٹاگرام کے ان صارفین کو متاثر کریں گی جنہوں نے پہلے ایپلی کیشن میں اپنی تاریخ پیدائش کا اندراج نہیں کیا۔

انسٹاگرام نے مزید کہا کہ وہ اس سے آگاہ ہے کہ کچھ صارفین غلط تاریخ پیدائش کا اندراج کر سکتے ہیں لیکن اس مسئلے کے حل کے لیے نئی ٹیکنالوجی کا استعمال کیا جائے گا۔