بھارتی اداکار سدھارتھ شکلا دل کا دورے پڑنے سے انتقال کر گئے ہیں۔

بھارتی میڈیا کے مطابق 40 سالہ سدھارتھ شکلا کو دل کا دورہ پڑنے کے باعث ممبئی کے کوپر اسپتال میں منتقل کیا گیا تھا جہاں وہ انتقال کر گئے۔

مشہور ٹی وی اور فلم اداکار سدھارتھ شکلا، جو طویل عرصے سے چلنے والے ٹی وی شو "بالیکا ودھو" میں اپنے کردار اور بگ باس 13 کے فاتح کے طور پر مشہور ہیں، جمعرات کو انتقال کر گئے

سدھارتھ شکلا کو صبح دل کا بڑا دورہ پڑا۔ ان کے پسماندگان میں ان کی والدہ اور دو بہنیں ہیں۔

کوپر ہسپتال کے سینئر عہدیدار نے بھارتی خبر رساں ایجنسی کو بتایا، 'انہیں کچھ دیر قبل مردہ حالت میں ہسپتال لایا گیا تھا۔'

سدھارتھ شکلا نے 2008 کے شو "بابل کا آنگن چھوٹے نا" میں مرکزی کردار کے ساتھ اداکاری کا آغاز کیا۔

2014 میں انہوں نے فلم "ہمپٹی شرما کی دلہنیا" میں معاون کردار سے بولی وڈ میں قدم رکھا۔

وہ رئیلٹی شوز "بگ باس 13" اور "فئیر فیکٹر: خطروں کے کھلاڑی 7" کے فاتح کے طور پر ابھرے۔