Aaj TV News

BR100 4,607 Decreased By ▼ -61 (-1.3%)
BR30 20,274 Decreased By ▼ -618 (-2.96%)
KSE100 44,629 Decreased By ▼ -192 (-0.43%)
KSE30 17,456 Decreased By ▼ -66 (-0.38%)
COVID-19 TOTAL DAILY
CASES 1,265,650 603
DEATHS 28,300 20
Sindh 466,154 Cases
Punjab 438,133 Cases
Balochistan 33,133 Cases
Islamabad 106,504 Cases
KP 176,950 Cases

اسلام آباد:الیکشن کمیشن نے خیبر پختونخوا حکومت سے مرحلہ وار بلدیاتی انتخابات کا پلان طلب کرلیا۔

چیف الیکشن کمشنر سکندرسلطان راجہ کی زیرصدارت 3رکنی بینچ نے خیبرپختونخوا میں بلدیاتی انتخابات کے انعقاد سے متعلق کیس کی سماعت کی۔

ایڈووکیٹ جنرل خیبرپختونخوانے بتایا کہ صوبے میں سیکیورٹی صورتحال ابھی واضح نہیں ہے، الیکشن کمیشن کو مارچ کی تاریخ دی جو منظور نہ ہوئی،معاملہ دوبارہ صوبائی کابینہ کےسامنے رکھا ہے،الیکشن کمیشن کی ہدایت پرمرحلہ واربلدیاتی انتخابات کرائیں گے،پہلا فیزنومبرمیں کرانے کا ارادہ ہے ۔

چیف الیکشن کمشنرنے کہا کہ تمام صوبوں کوسن کربلدیاتی انتخابات کےحوالے سے آرڈر پاس کریں گے،3دن میں صوبائی کابینہ سے مشاورت کےبعد بلدیاتی انتخابات کا پلان دے دیں،الیکشن کمیشن کے فیصلہ کی طرف دیکھنے کی بجائے انتخابات کی تیاری کریں۔

الیکشن کمیشن نے خیبرپختونخوا حکومت سے مرحلہ وار بلدیاتی انتخابات کا پلان طلب کرتے ہوئے سماعت ملتوی کر دی۔

پارٹی کے اثاثوں کی چھان بین سے متعلق عوامی مسلم لیگ سے تفصیلات طلب

اسلام آباد:الیکشن کمیشن نے پارٹی کے اثاثوں کی چھان بین سے متعلق عوامی مسلم لیگ سے تفصیلات طلب کر لیں۔

چیف الیکشن کمشنر سکندر سلطان راجہ کی سربراہی میں 3رکنی بینچ نے پارلیمانی سیاسی جماعتوں کے اثاثوں کی تفصیلات سے متعلق کیس کی سماعت کی۔

عوامی نیشنل پارٹی ،عوامی مسلم لیگ ، پیپلز پارٹی کے وکلا ءالیکشن کمیشن کے سامنے پیش ہوئے۔

الیکشن کمیشن نے عوامی مسلم لیگ سے اثاثوں کی تفصیلات سے متعلق جواب طلب کر لیا۔

ایم کیو ایم کی طرف سے کوئی بھی نمائندہ الیکشن کمیشن میں پیش نہیں ہوا جبکہ درخواست گزار سیکرٹری جنرل پی ٹی آئی عامر کیانی کے وکیل کے جونیئر وکیل پیش ہوئے، کیس کی سماعت 14 اکتوبر تک ملتوی کردی گئی۔