پی ایف یوجے نے ایک بار پھر پی ایم ڈی اے آرڈیننس کو مسترد کرتے ہوئے حکومت سے صحافیوں کو ان کے حقوق اورمیڈیا پر بے جا پابندیاں ہٹانے کا مطالبہ کیا ہے۔

سکھر پریس کلب میں منعقدہ ملٹی اسٹیک ہولڈرز کنوینشن سے پی ایف یو جے کے مرکزی صدر شہزادہ ذوالفقار،سیکریٹری جنرل ناصر زیدی ،مرکزی رہنما افضل بٹ ،نائب صدر لالہ اسد پٹھان, پیپلزپارٹی کی مرکزی رہنما ایم این اے سیدہ نفیسہ شاہ ،وزیراعلی سندھ کے معاون خصوصی ارسلان اسلام شیخ ودیگر نے خطاب کیا۔

اس موقعے پر صحافی رہنماؤں نے کہاکہ پی ایم ڈی اے کا آرڈیننس میڈیا کو ماتحت کرنے کی کوشش ہے پیٹرول ،ڈیزل ،آٹا اور اشیائے خوردونوش کی قیمتیں کیوں بڑھ رہی ہیں، اگر یہ بھی میڈیا نہیں بتا سکتا تو میڈیا کیا بتائے۔

انہوں ن مزید کہا کہ ملک میں آئین اور قانون کی حکمرانی ایک خواب بن کررہ گئی ہے، میڈیا تاریخ کے بدترین حالات سے گذر رہاہےان حالات میں پی ایف یو جے میدان عمل میں ہے اور پیچھے نہیں ہٹے گی۔ اسلام آباد دھرنے میں ہماری پہلی جیت ہوچکی ہے۔

ان کا کہنا تھا کہ ہمارےپیش کیے گئے 19 مطالبات میں سے کوئی مطالبہ غیر آئینی اور غیرقانونی نہیں ہے ہمارے تمام مطالبا،ت ہمارے حقوق ہیں جو ہم لے کر رہیں گے کنوینشن میں سکھر ،روہڑی ،لاڑکانہ ،خیرپور،پنوعاقل ،گھوٹکی ،ڈہرکی ،میرپور ماتھیلو ،شکارپور ،مدیجی ،گڑھی یاسین ،رانی پور ،گمبٹ ،نوشہروفیروز سمیت سندھ بھر کے صحافیوں نے بڑی تعداد میں شرکت کی۔