Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,283,886 411
DEATHS 28,704 7
Sindh 475,097 Cases
Punjab 442,876 Cases
Balochistan 33,471 Cases
Islamabad 107,601 Cases
KP 179,888 Cases

ٹی 20ورلڈ کپ: پاک بھارت میچ منسوخ کرنے کا مطالبہ

19 اکتوبر 2021
بی جے پی لیڈر گری راج سنگھ (بائیں) پارٹی سربراہ امیت شاہ کے ساتھ ( تصویر: پی ٹی آئی)
بی جے پی لیڈر گری راج سنگھ (بائیں) پارٹی سربراہ امیت شاہ کے ساتھ ( تصویر: پی ٹی آئی)

چوبیس اکتوبر کو پاکستان اور بھارت کے مابین تگڑا مقابلہ ہونے جارہا ہے مگر بھارتیوں نے میچ کے آغاز سے قبل ہی اپنی انتہا پسندی کی عادت کا مظاہرہ کرنا شروع کردیا ہے، اسی سلسلے میں بھارتی وزیر نے پاکستان کے ساتھ ٹی 20ورلڈ کپ میں میچ منسوخ کرنے کا مطالبہ کردیا ہے۔

بھارتی میڈیا رپورٹس کے مطابق یونین منسٹر گری راج سنگھ نے ٹی 20 ورلڈ کپ کے دوران پاک بھارت کی کرکٹ ٹیموں کے درمیان طے میچ کو منسوخ کرنے کا مطالبہ کرتے ہوئے کہا کہ پاکستان اور بھارت کے درمیان سرد تعلقات کی بنیاد بنا کر میچ منسوخ کیا جائے۔

اس حوالے سے بھارتی وزیر نے اپنے بیان میں کہا کہ موجودہ حالات ایسے نہیں ہیں جن میں پاکستان اور بھارت کی کرکٹ ٹیمیں کسی میچ میں آمنے سامنے ہوں، دونوں ملکوں کے درمیان تعلقات اس وقت بالکل اچھے نہیں ہیں۔

نمائندوں سے گفتگو کرتے ہوئے گری راج سنگھ کا کہنا تھا کہ آنے والے دنوں میں ٹی 20 ورلڈ کپ کے دوران ہونے والے پاک بھارت میچ کو کسی اور سوچ اور نظر سے دیکھنے کی ضرورت ہے۔

گری راج سنگھ کی جانب سے اس مطالبے کی دو اور بھارتی وزراء نے حمایت کی اور اس معاملے پر پارلیمنٹ میں بحث کروانے کا بھی مطالبہ کردیا ہے۔

بعد ازاں بھارتی کرکٹ بورڈ (بی سی سی آئی ) کے نائب صدر راجیو شکلا نے کہا کہ پاک بھارت ٹی 20 میچ شیڈول کے مطابق ہوگا، ٹی 20 آئی سی سی کا ایونٹ ہے، میچ منسوخ نہیں کرسکتے جبکہ عالمی معاہدے کے تحت آئی سی سی ٹورنامنٹ کھیلنے کے پابند ہیں۔

یاد رہے کہ ٹی 20 ورلڈ کپ کا پہلا مرحلہ گزشتہ روز سے شروع ہوچکا ہے، اگلے مرحلے میں پاکستان اور بھارت کی ٹیموں کے درمیان ایک ہائی وولٹیج میچ شیڈولڈ ہے جو24 اکتوبر کو کھیلا جائے گا۔