Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,283,886 411
DEATHS 28,704 7
Sindh 475,097 Cases
Punjab 442,876 Cases
Balochistan 33,471 Cases
Islamabad 107,601 Cases
KP 179,888 Cases

بولی وڈ کے سُپر اسٹار شاہ رخ خان نے اپنے بیٹے آریان خان کی جیل سے رہائی کے بعد گھر واپسی پر ان کی حفاظت کے لیے باڈی گارڈ رکھنے کا فیصلہ کیا ہے۔

بھارتی ذرائع ابلاغ کے مطابق اداکار کے ایک قریبی ذرائع نے بتایا ہے کہ شاہ رخ خان جیل سے آریان کی رہائی کے بعد ان کی سیکیورٹی کے حوالے سے کافی پریشان ہیں اور آریان خان کی حفاظت کے لیے ایک الگ سیکیورٹی گارڈ کا انتظام کرنے کے بارے میں سوچ رہے ہیں جو ہر وقت حفاظت کے لیے ان کے بیٹے کے ہمراہ رہے۔

اس کے علاوہ کچھ رپورٹس میں یہ بات بھی سامنے آئی ہے کہ شاہ رخ خان اور گوری خان نے آریان کو دو سے تین ماہ کے لیے گھر میں نظر بند کر دیا ہے اور آریان کو کسی بھی قسم کی پارٹی میں جانے سے روک دیا ہے۔

خیال رہے کہ ممبئی کروز شِپ منشیات کیس میں گرفتار بولی وڈ کنگ کے بیٹے آریان کو ممبئی کی آرتھر روڈ جیل سے ضمانت پر رہا کردیا گیا ہے اور منّت پہنچنے پر شاہ رخ خان کے مداحوں نے ڈھول کی تھاپ میں ان کا استقبال کیا۔

آریان کے ضمانتی مچلکوں پر شاہ رخ خان کی دیرینہ دوست جوہی چاولہ نے دستخط کئے ہیں۔

رواں ماہ 2 اکتوبر کو نارکوٹکس کنٹرول بیورو (این سی بی) کی جانب ممبئی کروز شِپ پر چھاپہ مارا گیا جہاں آریان کو اُن کے دوستوں سمیت منشیات استعمال کرنے کے الزام میں حراست میں لیا گیا تھا۔