Aaj TV News

BR100 4,678 Decreased By ▼ -9 (-0.18%)
BR30 18,623 Decreased By ▼ -17 (-0.09%)
KSE100 45,507 Decreased By ▼ -105 (-0.23%)
KSE30 17,926 Decreased By ▼ -16 (-0.09%)
COVID-19 TOTAL DAILY
CASES 1,333,521 5,034
DEATHS 29,029 10
Sindh 505,930 Cases
Punjab 454,372 Cases
Balochistan 33,729 Cases
Islamabad 111,855 Cases
KP 182,419 Cases

وفاقی وزیر فواد چوہدری نے کہا ہے کہ آئندہ الیکشن ای وی ایم سے کروانے کی صورت میں الیکشن کمیشن کو فنڈز ملیں گے۔

وفاقی کابینہ کے فیصلوں پر بریفنگ دیتے ہوئے وفاقی وزیر اطلاعات فوادچوہدری نے رانا شمیم کو ن لیگ کا نائب صدر قرار دیتے ہوئے کہا کیسے ممکن ہے ایک شخص کا حلف نامہ اخبار میں چھپ جائے اور اس کو معلوم ہی نہ ہو۔

فواد چوہدری کا مزید کہنا تھا کہ پاکستان میں کورونا کی پانچویں لہر آکر رہے گی ۔ آئندہ الیکشن ای وی ایم سے کروانے کی صورت میں الیکشن کمیشن کو فنڈز ملیں گے ۔

وفاقی وزیر اطلاعات فوادچوہدری نے بتایا کہ گیس کی قلت سے بچنے کے لیے گھریلو صارفین کے لیے بجلی کے نرخ کم کئے جارہے ہیں جبکہ یکم جنوری سے 15 فروری تک سی این جی سیکٹر بند رہیں گے۔

وفاقی وزیر نے بتایا سندھ حکومت کراچی اور حیدرآباد میں پرائس کنٹرول نہیں کر پارہی جس کے اثرات پاکستان میں پڑ رہے ہیں، حیدرآباد میں آٹا سب سے مہنگا ہے جبکہ کراچی میں چینی سب سے مہنگی ہے وزیر اعلی سندھ قیمتوں کو کنٹرول کریں۔

فواد چودھری نے رانا شمیم کو ن لیگ کا نائب صدر قرار دیتے ہوئے کہا آج انہوں نے ہائیکورٹ میں کہا ہے کہ یہ میرا حلف نامہ ہی نہیں، اگر ایسا ہے کہ اخبار میں وہ حلف نامہ کیسے چھپا؟ لگ رہا ہے کہ نوازشریف کے کہنے پر اخبار میں وہ حلف نامہ چھپا ۔

وفاقی وزیر نے بتایا کہ کابینہ نے فوری صوبائی حکومتوں اور عوام کو کورونا کی ویکسین لگوانے کی ہدایت کی کیونکہ پانچویں لہر پاکستان میں آکر رہے گی اور ہم اسے شکست دیں گے۔

انہوں نے بتایا کہ کابینہ نے امین اسلم کو لاہور میں سموگ کے تدارک کے لیے لانگ ٹرم پالسی بنانے کی ہدایت کی جبکہ کل خسرو بختیار کھاد کی قیمتوں کے حوالے سے پریس کانفرنس کریں گے ۔