Aaj TV News

BR100 4,687 Decreased By ▼ -28 (-0.59%)
BR30 18,641 Decreased By ▼ -617 (-3.2%)
KSE100 45,612 Decreased By ▼ -151 (-0.33%)
KSE30 17,942 Decreased By ▼ -56 (-0.31%)
COVID-19 TOTAL DAILY
CASES 1,333,521 5,034
DEATHS 29,029 10
Sindh 505,930 Cases
Punjab 454,372 Cases
Balochistan 33,729 Cases
Islamabad 111,855 Cases
KP 182,419 Cases

صدرڈاکٹرعارف علوی نے کہا ہے کہ پاکستان کو سائبر سکیورٹی ماہرین کی ضرورت ہے، جیسے جیسے پاکستان ڈیجٹیلائز ہوگا ویسے ویسے سائبر حملے بڑھ جائیں گے۔

ڈیجیٹل پاکستان سائبرسکیورٹی ہیکاتھان کی تقریب سے خطاب کرتے ہوئے صدرعارف علوی نے کہا ہے کہ پاکستان کو سائبر سکیورٹی ماہرین کی ضرورت ہے، جیسے جیسے پاکستان ڈیجٹیلائزہوگا ویسے ویسے سائبر حملے بڑھ جائیں گے۔

ان کا مزید کہنا تھا کہ نئی نسل دنیا میں ہونے والی تبدیلیوں کو بہتر طور پر سمجھ رہی ہے، آئی ٹی کے شعبہ میں ترقی سے پاکستان کی آئی ٹی کی پیداوار اور برآمدات میں اضافہ ہوگا۔

انہوں نے مزید کہا کہ اداروں کو ڈیجٹیلائزکرنے کے ساتھ ساتھ سائبر سکیورٹی کی جانب بھی اپنی توجہ مبذول کرنی چاہئے۔

ان کا مزید کہنا تھا کہ ہونہارطلبہ کو 50 ہزارشکالرشپس دی جارہی ہیں ۔

صدر عارف علوی نے کہاکہ موجودہ دور کے تقاضوں کے مطابق ہمیں سائبرسکیورٹی ماہرین درکارہیں یونیورسٹیوں کے وائس چانسلرز کو ہدایت کی ہے کہ سائبر سکیورٹی کی تعلیم کو ترجیح دیں۔

ان کا مزید کہنا تھا کہ پاکستان اس شعبہ میں دوسرے ممالک کے مقابلے میں بہتر کارکردگی کا مظاہرہ کر سکتا ہے۔

انہوں نے کہا کہ سائبرحملے بڑھنے کے باوجود دنیا کے پاس ٹیکنالوجی کے سوا کوئی آپشن نہیں ہے، بھارت ہمارے معاشرے میں افراتفری پھیلانا چاہتا ہے، سوشل میڈیا پر فیک نیوز چلائی جاتی ہیں ۔

صدرنے مزید کہاکہ ملک کو آئی ٹی اورسائبرسکیورٹی کے ماہرین کی ضرورت ہے۔

صدر عارف علوی نے ڈیجیٹل پاکستان سائبرسکیورٹی ہیکاتھان کے مقابلے میں مختلف کیٹیگریزمیں نمایاں کامیابی حاصل کرنے والے آئی ٹی ماہرین میں انعامات تقسیم کئے ۔