Aaj TV News

BR100 4,623 Increased By ▲ 6 (0.12%)
BR30 17,917 Increased By ▲ 191 (1.08%)
KSE100 45,078 Decreased By ▼ -5 (-0.01%)
KSE30 17,793 Decreased By ▼ -35 (-0.2%)
COVID-19 TOTAL DAILY
CASES 1,410,033 7,963
DEATHS 29,219 27
Sindh 538,196 Cases
Punjab 474,208 Cases
Balochistan 34,277 Cases
Islamabad 125,203 Cases
KP 190,578 Cases

اسلام آباد:وفاقی وزیراطلاعات ونشریات فواد چوہدری کے بعد وزیرریلوے اعظم سواتی نے بھی الیکشن کمیشن سے معافی مانگ لی ،تحریری جواب میں کہا کہ کسی بات سے دل آزاری ہوئی تو معذرت خواہ ہوں ۔

الیکشن کمیشن میں وفاقی وزیراطلاعات فواد چوہدری اوروزیر ریلوے اعظم سواتی کے الزامات پرتوہین عدالت کیس کی سماعت ہوئی۔

وکیل اعظم سواتی نےمؤقف اپنایاکہ آئینی ادارے کیخلاف اگرکوئی غلطی ہوجائے،تومعذرت کرنی چاہیئے۔

ممبرسندھ نثاردرانی کے پوچھنے پر وکیل نے بتایا کہ اعظم سواتی کواچانک کوئٹہ جانا پڑگیاہے ۔

ممبر سندھ نثار درانی نے کہاکہ گزشتہ سماعت پرحاضری سے استثنی مانگا گیا تھا ،کیا اعظم سواتی کیس سے راہ فرار اختیارکررہے ہیں؟۔

اعظم سواتی نے تحریری جواب میں الیکشن کمیشن سے معافی مانگتے ہوئے کہاکہ کسی بات سے دل آزاری ہوئی تو معذرت خواہ ہوں کبھی الیکشن کمیشن کومتنازع کرنے کی کوشش نہیں کی۔

ممبرسندھ نے کہاکہ الیکشن کمیشن اپنا کام ایمانداری سے کررہا ہے تمام اداروں کوایک دوسرے کا احترام کرنا چاہیئے، آج حاضری اسے استثنیٰ دے رہے ہیں ۔

بعدازاں الیکشن کمیشن نے اعظم سواتی کو22 دسمبر کو ذاتی حیثیت میں طلب کرتے ہوئے سماعت ملتوی کردی۔

الیکشن کمیشن نے فواد چوہدی کے کیس میں فیصلہ محفوظ کرتے ہوئے کہاکہ فواد چوہدری کے معافی نامے پرمناسب حکم جاری کریں گے۔