کراچی: کے الیکڑک صارفین کیلئے بری خبر آگئی، فیول ایڈجسٹمنٹ کی مد میں بجلی 3 روپے 75 پیسے فی یونٹ مہنگی کردی گئی، نیپرا نے منظوری کے بعد نوٹیفکیشن جاری کر دیا، دسمبر کے بلوں میں ادائیگی کرنی ہوگی۔

نیپرا اتھارٹی نے کے الیکٹرک کی درخواست پر محفوظ فیصلہ جاری کردیا، شہر قائد کے عوام کیلئے بجلی 3روپے 75 پیسے فی یونٹ مہنگی کی گئی۔

نیپرا کے نوٹیفکیشن کےمطابق بجلی ستمبر کی فیول ایڈجسٹمنٹ مد میں مہنگی کی گئی جو دسمبر کے بجلی بلوں میں وصول کیا جائے گا۔

نیپرا نے کے الیکٹرک کی درخواست پر نومبر میں سماعت کی تھی۔