Aaj.tv Logo

لاہور:قومی کرکٹ ٹیم کے فاسٹ بولر شاہین شاہ آفریدی نے انتہائی غیر ذمے دارانہ بیان دے دیا ،ان کا کہنا ہے کہ محمد رضوان بابراعظم سے بہترکپتان ہیں ۔

فاسٹ بولر شاہین شاہد آفریدی نے میڈیا سے گفتگو کرتےہوئے کہا کہ محمدرضوان کی شخصیت نے مجھے بہت متاثر کیا ہے، میں نے ڈومیسٹک کرکٹ رضوان کے ساتھ کھیلی ہے اور مجھے ان کا انداز کپتانی پسند ہے۔

شاہین شاہ آفریدی نے کہا کہ بابراعظم قومی ٹیم کے کپتان ہیں، وہ بھی اچھے ہیں مگر رضوان بہترین کپتا ن ہے۔

کرکٹ پنڈتوں کا کہنا ہے کہ موجودہ کپتان کے بارے میں ایسا بیان غیر ذمہ دارانہ ہے ، بابراعظم نے مشکل حالات میں ٹیم کی کمان سنبھالی اور پھر قومی ٹیم کی فتوحات کا ایک نیا سلسلہ شروع ہوا جس میں ہرگزرتے دن کے ساتھ اضافہ ہورہاہے ۔

انہوں نے کہا کہ موجودہ کپتان کی کامیابیوں کے باوجود ان کا کسی دوسرے کھلاڑی سے موازنہ کرنا انتہائی غلط ہے اور اس سے ٹیم کے اتحاد کو بھی ٹھیس پہنچ سکتی ہے ۔