Aaj.tv Logo

معروف ٹیکنالوجی کمپنی ایپل نے ستمبر میں آئی فون 13 کو لانچ کیا تھا اور اگرچہ آئی فون 14 ابھی بھی اپنے لانچ ہونے سے مہینوں دور ہے کہ آئی فون 15 کے بارے میں افواہیں انٹرنیٹ پر آنا شروع ہو چکی ہیں۔

جی ایس ایم ایرینا کے مطابق، تازہ ترین افواہوں کا دعویٰ ہے کہ ایپل 2023 میں آئی فون 15 سیریز سے شروع ہونے والے فزیکل سم کارڈ سلاٹ کو ختم کر دے گا۔

برازیل کے ایک اخبار کے مطابق 2023 کے پرو ماڈلز عارضی طور پر آئی فون 15 پرو کہلائیں گے۔

فزیکل سم کارڈ سلاٹ اور کنیکٹیویٹی کیلئے مکمل طور پر ای سم ٹیکنالوجی پر انحصار کریں گے۔

ذرائع نے یہ بھی دعویٰ کیا کہ یہ آئی فونز ڈوئل ای سم سپورٹ کے ساتھ آئیں گے، جس سے صارفین کو بیک وقت 2 لائنیں مل سکیں گی۔

تاہم، یہ واضح نہیں ہے کہ نان پرو ماڈلز بھی مکمل طور پر ای سم ٹیک پر منحصر ہوں گے یا فزیکل سم کارڈ سلاٹس کا استعمال جاری رکھیں گے۔

ایپل کا سم کارڈ سلاٹ کو ختم کرنے کی منصوبہ بندی کرنا شاید ہی کوئی تعجب کی بات ہو کیوں کہ ٹیک دیو کے بارے میں کہا جاتا ہے کہ وہ آخر کار بغیر پورٹ لیس آئی فون پر چلے گی اور سم کارڈ سلاٹ کو ہٹانا اس سمت میں پہلا قدم لگتا ہے۔

یہاں تک کہ اگر ایپل سم کارڈ سلاٹ کے بغیر آئی فون لانچ کرتا ہے، تب بھی کمپنی ان ممالک میں فزیکل سم سلاٹ والا ورژن پیش کر سکتی ہے جہاں ای سم سروس دستیاب نہیں ہوگا۔

جی ایس ایم ایرینا کے مطابق 2023 کو جانے میں ایک طویل وقت ہے اور اس معلومات کو حتمی سمجھنے سے پہلے صنعت کے معتبر ذرائع سے اس کی تصدیق کا انتظار کرنا بہتر ہے۔