وفاقی وزیر تعلیم شفقت محمود نے دعویٰ کیا ہے کہ کچھ رپورٹس سے ظاہر ہوتا ہے کہ ملک میں حالیہ سیاسی پیش رفت کے پیچھے بیرونی طاقتوں کا ہاتھ ہے۔

لاہور میں پریس کانفرنس کرتے ہوئے وزیر تعلیم شفقت محمود نے کہا کہ آصف علی زرداری اور شہباز شریف ایم این ایز کی ہارس ٹریڈنگ میں مصروف ہیں۔

انہوں نے کہا کہ ایسی اطلاعات بھی ہیں کہ ملک کے اندرونی معاملات میں بیرونی طاقتیں اپنا کردا ادا کر رہی ہیں۔

انہوں نے مزید کہا کہ اگر یہ سچ ہے تو پی ٹی آئی اس کی شدید مذمت کرتی ہے۔

شفقت محمود نے کہا کہ بیرون ممالک میں جائیدادیں رکھنے والے لوگ آزاد خارجہ پالیسی پر عمل نہیں کر سکتے۔

انہوں نے کہا کہ فضل الرحمان کے بیرونی طاقتوں کے ساتھ روابط خفیہ نہیں ہیں۔

وفاقی وزیر کا کہنا تھا کہ وزیراعظم کے خلاف تحریک عدم اعتماد کو شکست دیں گے۔