Aaj News

جمعہ, مارچ 29, 2024  
18 Ramadan 1445  

اوآئی سی اجلاس میں مداخلت کرنے والوں کی چیخیں آسمان تک سنائی دیں گی، شیخ رشید

اسلام آباد: وفاقی وزیر داخلہ شیخ رشید کا کہنا ہے کہ اگر کسی مائی...
شائع 20 مارچ 2022 02:30pm

اسلام آباد: وفاقی وزیر داخلہ شیخ رشید کا کہنا ہے کہ اگر کسی مائی کے لعل میں ہمت ہے تو او آئی سی کے اجلاس میں مداخلت کر کے دکھائے، اگر کسی نے کوشش بھی کی تو ان کی چیخیں آسمان تک سنائی دیں گی ۔

اسلام آباد میں پریس کانفرنس کرتے ہوئے وزیرداخلہ شیخ رشید کا کہنا تھا کہ اپوزیشن کی جانب سے 8 مارچ کو عدم اعتماد پیش کی گئی تھی، لیکن پھر اسمبلی میں قرارداد پیش کی گئی کہ اسمبلی ہال وزارت خارجہ کے پاس ہوگا، 254 آرٹیکل میں لکھا ہے کہ اسپیکر قومی اسمبلی تحریک عدم اعتماد کو ختم نہیں کرسکتا لیکن حالات کے مطابق تحریک عدم اعتماد کو آگے لے جاسکتا ہے۔

شیخ رشید نے کہا کہ بلاول بھٹو زرداری جس کے دودھ کے دانت نہیں نکلے وہ کہتے ہیں کہ اگر اجلاس نہ بلایا گیا تو او آئی سی کخلاتف اسمبلی میں دھرنا دیں گے، ذمہ داروں کا ایک فون آیا آپ نوے کے زوایے پر لیٹ گئے۔

وزیرداخلہ نے کہا کہ او آئی سی کو ناکام کرنے والے سامراجی ایجنٹ ہے،میں او آئی سی کو ناکام بنانے والوں پر 3 دفعہ لعنت بھیجتا ہوں، یہ لوگ اپنی شکل دیکھیں، کسی کا باپ بھی کانفرنس نہیں روک سکتا، اگر کسی میں ہمت ہے تو مداخلت کرکے دکھائے، مداخلت کرنے والوں کی چیخیں آسمان تک جائیں گی،او آئی سی اجلاس میں شرکت کیلئے 5 سے 6 سو لوگ آرہے ہیں، تمام سفیروں کی کال آئی کہ ہمارے وزیر خارجہ آرہے ہیں میں نے کہا مطمئن رہیں، میں نمبرون سے دوستی اور نمبر ون سے دشمنی کرتا ہوں۔

وزیرداخلہ شیخ رشید کا مزید کہنا تھا کہ سیاست گرم ہے اور ساری سیاست ٹی وی پر ہو رہی ہے، گراؤنڈ کی سیاست 27 مارچ سے شروع ہوگی، اور 5 تاریخ کو سیاست بدلے گی، میں نے 4 مہینے پہلے کہا تھا کہ اپوزیشن والے 23 مارچ کو اسلام آباد نہیں آئیں گے۔

شیخ رشید نے کہا کہ عمران خان 27 مارچ کو جلسہ کر رہے ہیں وہ تاریخ واپس نہیں کررہے، اپوزیشن نے بھی مارچ کا کہا ہے، 27 تاریخ کے جلسے کیلئے ڈی سی کو دونوں پارٹیوں سے درخواستیں لینے اور الگ راستوں کا کہا ہے، اپوزیشن بھی جگہ دیکھ لے اور راستوں کا انتخاب کرے، جلسہ گاہ تک پہنچنے کیلئے کوئی رکاوٹ نہیں ہوگی لیکن اگر تصادم ہوا تو اپوزیشن ذمہ دار ہوگی اور اگر کوئی جانی یا مالی نقصان ہوا تو لیڈروں کو نہیں چھوڑوں گا۔

وفاقی وزیر داخلہ نے کہاکہ عدم اعتماد میں ووٹنگ کلئے کسی شخص کیلئے ووٹ ڈالنے میں کوئی رکاوٹ نہیں ہوگی، اصلی اور نسلی اس وقت عمران خان کے ساتھ کھڑا ہوگا، میں عمران خان کے ساتھ کھڑا ہوں اور میرا دل گواہی دے رہا ہے کہ اتحادی آصف زرداری کے کہنے میں نہیں آئیں گے وہ بھی عمران خان کا ساتھ دیں گے۔

وفاقی وزیر شیخ رشیدنے مزید کہا کہ اپوزیشن کی جانب سےسرے محل اور سوئس اکاؤنٹ سمیت چوری کے پیسے سے بندے خریدے جارہے ہیں، ناراض ایم این ایز سے بھی کہتا ہوں کہ مال ان کا کھاؤ اور ساتھ عمران خان کا دو میں آپ کا وکیل ہوں گا۔

opposition

Interior Minister

Sheikh Rasheed

اسلام آباد

Comments are closed on this story.

تبصرے

تبولا

Taboola ads will show in this div