لاہور: پنجاب کے سابق وزیر جیل خانہ جات فیاض الحسن چوہان نے پاکستان پیپلز پارٹی میں شمولیت کی خبروں پر خاموشی توڑ دی۔

پی ٹی آئی کے رہنماء فیاض الحسن چوہان نے سوشل میڈیا اکاؤنٹ فیس بک پر اپنی پیپلز پارٹی میں شامل ہونے کی خبر شیئر کی اور اسے جعلی قرار دیتے ہوئے عمران خان سے بھرپور حمایت کا اعلان کیا۔

فیاض الحسن نے اپنی پوسٹ میں شاعرانہ انداز میں لکھا کہ صلح ہو کہ جنگ ہو، عمران خان کے سنگ ہو۔ ‏سب ہمیں پسند ہے خون ہو کہ رنگ ہو۔

فیاض الحسن چوہان نے مزید لکھا کہ میں اچھے یا برے وقت میں بھی اپنے لیڈر عمران خان کے ساتھ تھا اور آگے بھی اپنے لیڈر کے ساتھ ہمیشہ کھڑا رہوں گا۔