Aaj.tv Logo

لندن: مسلم لیگ (ن) کے رہنما عابد شیر علی نے جمائما گولڈ سمتھ کے گھر کے باہر احتجاج کا اعلان کیا ہے۔

لیگی رہنما عابد شیر علی نے سماجی روابط ویب سائٹ پر ٹوئٹ کے ذریعے سابق وزیر اعظم اور چیئرمین پاکستان تحریک انصاف (پی ٹی آئی) کی سابق اہلیہ جمائما گولڈ اسمتھ کے گھر کے باہر 17 اپریل کو احتجج کرنے کا اعلان کیا ہے۔

جمائما گولڈ سمتھ نے عابد شیر علی کی ٹوئٹ پر ردِ عمل دیتے ہوئے کہا کہ میرےگھر کے باہر احتجاج کیاجارہاہے، سوشل میڈیا پر میرے بچوں کو ہراساں کیا جارہا ہے اور ایسا لگ رہا ہے کہ 90 دہائی کےلاہور میں واپس آگئی ہوں۔

ایک بیان میں عمران خان کی سابق اہلیہ نے کہا کہ ان کا اور ان کے بچوں کا پاکستانی سیاست سے کوئی تعلق نہیں ہے، ان کے بچے نجی زندگی میں مصروف ہیں جو سوشل میڈیا بھی استعمال نہیں کرتے۔