Aaj News

جمعہ, مارچ 29, 2024  
18 Ramadan 1445  

بھارت میں انسانی حقوق کی خلاف ورزیوں پر امریکی رپورٹ جاری

رپورٹ میں انکشاف کیا ہے کہ مسلمان کے خلاف جسمانی استحصال، تعصب، زبردستی نقل مکانی پر مجبور کیا گیا ہے جبکہ گائے کی اسمگلنگ کا الزام عائد کرکے تشدد کیا گیا۔
شائع 18 اپريل 2022 01:53pm
فوٹو ـــــ دکن ہیرلڈ
فوٹو ـــــ دکن ہیرلڈ

بھارت میں انسانی حقوق کی خلاف ورزیوں پر امریکی اسٹیٹ ڈیپارٹمنٹ نے رپورٹ جاری کر دی ہے، جس میں ماورائے عدالت قتل، مسلمانوں پر تشدد اور بنیادی حقوق غصب کرنے کے واقعات رپورٹ کیئے گئے ہیں۔

امریکی اسٹیٹ ڈیپارٹمنٹ نے رپورٹ میں انسانی حقوق کی سنگین خلاف ورزیوں کی نشاندہی کی ہے،جس میں مقبوضہ کشمیر میں قتل عام جیسی انسانی حقوق کی سنگین خلاف ورزیاں بھی شامل ہیں۔

امریکی رپورٹ میں بتایا کہ کرناٹک میں اسکولوں کی طالبات پر حجاب پہننے پر پابندی عائد کی گئی جبکہ شدید عالمی تنقید کے باوجود ریاست کے ہائی کورٹ نے اس پابندی کو برقرار رکھا۔

مزید بتایا کہ بھارتی علاقوں میں مسلمانوں کو نشانہ بنانے کی مصدقہ اطلاعات موصول ہوئیں ہیں جبکہ کچھ علاقوں میں مسلم برادری فرقہ ورانہ اور متعصبانہ تشدد کا شکار ہیں۔

رپورٹ میں انکشاف کیا ہے کہ مسلمان کے خلاف جسمانی استحصال، تعصب، زبردستی نقل مکانی پر مجبور کیا گیا ہے جبکہ گائے کی اسمگلنگ کا الزام عائد کرکے تشدد کیا گیا۔

علاوہ ازیں امریکا نے واضح کیا کہ پولیس اور جیل حکام کے ہاتھوں ظالمانہ، غیر انسانی، ذلت آمیز سلوک عام ہوچکا ہے جبکہ تشدد، دھمکیاں، صحافیوں کی بلاجواز گرفتاریاں مجرمانہ توہین کے قوانین کا استعمال عام ہے۔

تاہم این جی اوز، سول سوسائٹی کی فنڈنگ اور آپریشنز پر حد سے زیادہ سخت قوانین نافذ ہیں۔

Hindu Extremists

America

human rights

Comments are closed on this story.

تبصرے

تبولا

Taboola ads will show in this div