بشام : شہباز شریف نے کہا ہے کہ پاکستان میں غریب آدمی سسک سسک کے جان دے دیتا ہے، اور امیر آدمی بیرونی ممالک میں اپنا علاج کرواتے ہیں۔

بشام میں عوامی اجتماع سے خطاب کرتے ہوئے وزیراعظم شہباز شریف نے کہا کہ چار سالوں میں پی ٹی آئی نے 24 ہزار ارب کا قرضہ لیا۔

انہوں نے کہا کہ 11 گیارہ مہینوں میں ہم نے میٹرو بسیں چلائیں، کے پی کے مسائل کو حل کر کے دم لوں گا۔

وزیراعظم نے کہا کہ ہمارے بچوں کو سستہ آٹا اور سستی دوائی نہیں ملتی تو ان کو کوئی پوچھنے والا نہیں ہوتا، تعلیم ہر ایک کا حق ہے، چاہے کسی غریب کا بیٹا ہے یا امیر کا بیٹا ہے۔

شہباز شریف نے کہا کہ 4 سال جو بدترین حکومت تھی اس نے ملک میں بدترین بحران پیدا کیا اور ملکی معیشت کو تباہ کردیا۔

وزیراعظم کا کہنا تھا کہ آٹے کی جو قیمت پنجاب میں ہوگی وہ قیمت کے پی میں بھی ہوگی، آج کے جو واعدے کیے ہیں اس پر عملدر آمد کروائوں گا، میں اپنے کپڑے بھیج کر بھی آپ کو سستا آٹا مہیا کروں گا۔