Aaj News

ملک میں بجلی کا شارٹ فال 5 ہزار میگاواٹ سے زائد ہوگیا

بجلی شاٹ فال کی کم ہونے کا دورتک کوئی امکان نہیں ہے، سورج کی تپش کے بعد بھی سولرسے بجلی کی پیداوار صفر ہے۔
شائع 19 مئ 2022 12:15pm
<p>سورج سوا نیزے پر ہونے کے باوجود سولرسے بجلی کی پیداوار صفر ہے ـــ فوٹو بی بی سی</p>

سورج سوا نیزے پر ہونے کے باوجود سولرسے بجلی کی پیداوار صفر ہے ـــ فوٹو بی بی سی

اسلام آباد: بجلی کا شارٹ فال 5 ہزار میگاواٹ سے زائد ہونے پر شہروں میں 8 اور دیہات میں 10 گھنٹے تک بجلی کی بندش کی جانے لگی۔

آج نیوز کے مطابق ملک میں بجلی کی مجموعی پیداوار21 ہزار447 میگاواٹ جبکہ کل طلب26 ہزار500 میگاواٹ سے زائد ہے۔

تاہم بجلی شاٹ فال کی کم ہونے کا دورتک کوئی امکان نہیں ہے جبکہ شارٹ فال 5 ہزار53 میگاواٹ تک پہنچ گیا۔

شہری علاقوں میں 5 سے 8 گھنٹے جبکہ دیہات میں 10 گھنٹوں سے زائد غیراعلانیہ لوڈشیڈنگ جاری ہے۔

تاہم شہریوں کا ماننا ہے کہ صاحب اقتدارسیاست میں مصروف ہونے کے باعث عوامی مسائل کی سوچ سے عاری ہیں۔

پاورڈویژن ذرائع کا کہنا ہے کہ نجی بجلی گھروں سے ساڑھے 11 ہزار ،پن بجلی ذرائع سے 4 ہزار868، تھرمل پاور 1ہزار104 مل رہی ہے۔

ونڈ ذرائع سے 1ہزار260 میگاواٹ پیدا کی جارہی ہے جبکہ سورج سوا نیزے پر ہونے کے باوجود سولرسے بجلی کی پیداوار صفر ہے۔

پاکستان

اسلام آباد

load shedding

Heat Wave

Comments are closed on this story.

مقبول ترین