Aaj.tv Logo

کراچی کے ایئر پورٹ پر جعلی سفری دستاویزات پر بیلجیم جانے والے مسافر کو گرفتار کرلیا گیا ہے۔

فیڈرل انویسٹیگیشن ایجنسی (ایف آئی اے) کے حکام کا کہنا ہے کہ فاروق نامی مسافر جعلی پاسپورٹ پر بیلجیئم جانے والا تھا۔

فاروق کے پاس کسی افغان شخص کا پاسپورٹ تھا جس پر وہ بیلجیئم جانا چاہ رہا تھا۔ تاہم تحقیقات پر پتہ چلا کہ ان کا پاسپورٹ جعلی ہے۔

مسافر کی دستاویزات کو امیگریشن گروپ انچارج نے جعلی قرار دیا ہے۔

ایف آئی اے کے مطابق مسافر کو آف لوڈ کر کے گرفتار کر لیا گیا ہے۔