کراچی: ایم کیو ایم پاکستان بحالی کمیٹی کے سربراہ ڈاکٹر فاروق ستار کی والدہ انتقال کرگئیں، جن کی نمازِ جنازہ آج شام بعد نمازِ عصر ادا کی جائے گی۔

ڈاکٹر فاروق ستار نے اپنی والدہ کے انتقال کی خبر سماجی رابطے کی ویب سائٹ پر اپنے ٹوئٹر اکاؤنٹ پر شیئر کی ۔

فاروق ستار کی والدہ کچھ عرصے سے شدید بیمار اور کراچی کے مقامی اسپتال میں زیرعلاج تھیں اور اُنہوں نے اپنی والدہ کی دعائے صحت کی اپیل بھی کی تھی۔

ایم کیو ایم کے کنوینر ڈاکٹر خالد مقبول صدیقی، عامر خان اور رابطہ کمیٹی کے ارکان نے مقامی اسپتال میں ڈاکٹر فاروق ستار کی والدہ کی عیادت کی تھی۔

فاروق ستار کی والدہ کے انتقال پر ایم کیو ایم، پیپلز پارٹی، مسلم لیگ ن اور جماعت اسلامی سمیت دیگر سیاسی اور سماجی افراد دکھ کا اظہار کیا ہے۔

فاروق ستار کی والدہ کی نمازِ جنازہ آج شام بعد نمازِ عصر کراچی کے پی آئی بی کالونی کے ایم سی گراؤنڈ میں ادا کی جائے گی اور تدفین یاسین آباد قبرستان میں ہوگی۔