Aaj News

اسلام آباد میں جشنِ آزادی کے روز غیر ملکی خواتین کو ہراساں کرنے کا انکشاف، مقدمہ درج

ملزمان کی شناخت کے لئے ویڈیو نادرا بجھوا دی گئی ہیں، جن میں موجود تمام ملزمان کی شناخت کرکے گرفتار کیا جائے گا
شائع 16 اگست 2022 12:19am
<p>پولیس نے  ویڈیوز وائرل ہونے کے بعد نوٹس لیا تھا۔ فوٹو — سوشل میڈیا</p>

پولیس نے ویڈیوز وائرل ہونے کے بعد نوٹس لیا تھا۔ فوٹو — سوشل میڈیا

اسلام آباد: پاکستان کے 75ویں یوم آزادی کے موقع پر دارالحکومت میں غیر ملکی خواتین کو ہراساں کرنے کا انکشاف ہوا ہے۔

غیر ملکی خواتین کو ہراساں کرنے کی ویڈیوز سوشل میڈیا پر وائرل ہوگئی ہیں، جبکہ واقعےکی ایف آئی آر بھی درج کرلی گئی۔

آئی جی اسلام آباد اکبر ناصر خاں نے واقعہ کا سختی سے نوٹس لے لیا، اسلام آباد پولیس نے غیر ملکی خواتین کوحراساں کرنے والے نامعلوم ملزمان کے خلاف تھانہ آبپارہ مقدمہ درج کر لیا ہے۔

ترجمان اسلام آباد پولیس کے مطابق ملزمان کی شناخت کے لئے ویڈیو نادرا بجھوا دی گئی ہیں، جن میں موجود تمام ملزمان کی شناخت کرکے انہیں گرفتار کیا جائے گا۔

پولیس ترجمان نے بتایا کہ مذکورہ کیس کو ڈی آئی جی آپریشنز سہیل ظفر چٹھہ خود سپروائز کریں گے۔

واضح رہے کہ اسلام آباد پولیس نے غیر ملکی خواتین کو ہراساں کرنے کی ویڈیوز وائرل ہونے کے بعد نوٹس لیا تھا۔

اسلام آباد

independence day

harassments

Comments are closed on this story.

مقبول ترین