Aaj News

جمعہ, مارچ 29, 2024  
18 Ramadan 1445  

شاہد آفریدی نے شاہین کو کیا کہہ کرخبردار کیا تھا؟

مداحوں کے سوالات کے جواب میں سابق کرکٹ کپتان کا دلچسپ انکشاف
شائع 22 اگست 2022 02:11pm

گھٹنےکی انجری کے باعث ایشیا کپ اور انگلینڈ کے خلاف ہوم سیریز سے باہرہوجانے والے فاسٹ بالر شاہین شاہ آفریدی کے ہونے والے سُسر نے ان فٹ ہونے سے بچنے کے لیے پیشگی نصیحت کی تھی۔

قومی کرکٹ ٹیم کے سابق کپتان شاہد آفریدی نے انکشاف کیا ہے کہ انہوں نے شاہین کو خبردار کیا تھا کہ ‘ڈائیو’ مت مارنا۔

ٹوئٹر پرمداحوں کے ساتھ سوال وجواب کے دلچسپ سیشن میں دیگرسوالات کے علاوہ کرکٹ شائقین نے شاہین کے ان فٹ ہونے پر ازراہ مذاق شاہد آفریدی سے ریٹائرمنٹ واپس لینے کی فرمائش کی۔

صارف نے لکھا کہ، “ لالا شاہین تو زخمی ہیں، آپ ریٹائرمنٹ واپس لے لیں“۔

شاہد آفریدی نے شگفتہ اندازمیں فالوورز کو بتایا، “ میں نے شاہین کو پہلے بھی منع کیا تھا ڈائیومت مارنا، انجری ہوسکتی ہے آپ فاسٹ بالر ہو لیکن بعد میں احساس ہوا کہ وہ بھی آفریدی ہے“۔

انجری کے بعد پاکستان کرکٹ بورڈ (پی سی بی) کی میڈیکل ایڈوائزری کمیٹی اور انڈیپینڈنٹ اسپیشلسٹس نے میڈیکل رپورٹس دیکھنے کے بعد شاہین شاہ آفریدی کو 4 سے 6 ہفتے کا آرام تجویز کیا ہے۔

شاہین ، شاہدآفریدی کی دوسرے نمبروالی صاحبزادی انشاء آفریدی سے منسوب ہیں اور میڈیا پر خبریں آنے کے بعد شاہدآفریدی کی جانب سے بھی اس بات کی تصدیق کی جاچکی ہے۔

cricket

Shahid Afridi

Shaheen Shah Afridi

Comments are closed on this story.

تبصرے

تبولا

Taboola ads will show in this div