سابق وزیراعظم عمران خان کی سابقہ اہلیہ جمائما گولڈ اسمتھ نے پاکستان میں سیلاب متاثرین کی مدد کے لیے فلاحی تنظیم ’ الخدمت ’ کو عطیات دینے کی درخواست کی ہے۔

گو جمائما عمران خان سے علیحدگی کے بعد اپنے وطن واپس جا چکی ہیں لیکن پاکستان سے ان کا تعلق ختم نہیں ہوا۔ حالات حاظرہ پر گہری نظررکھنے والی جمائما سوشل میڈیا کے ذریعے یہاں کے لوگوں سے مسلسل رابطے میں رہتی ہیں۔

One third of Pakistan is underwater.

33 MILLION PEOPLE (1 in 7 Pakistanis) are affected.

2,000 + people so far killed, one third of whom are believed to be children.

Please help by donating. #Pakistan 🇵🇰⚠️❤️🙏🏼 pic.twitter.com/Dh3k2sAadl

— Jemima Goldsmith (@Jemima_Khan) August 30, 2022

پاکستان میں حالیہ طوفانی بارشوں کے باعث تباہ کن سیلاب سے متاثرافراد کی مدد کے لیے دوست ممالک اورانٹرنیشنل چیریٹی آرگنائزیشنز بھی میدان عمل میں ییں، ایسے میں جمائما نے بھی مدد کی درخواست کرتے ہوئے عطیات فلاحی تنظیم الخدمت کو دینے کی درخواست کی ہے۔

Alkhidmat is doing rescue and relief work in all of flood affected areas. Donate here, https://t.co/EQ32LVUlZp

Acc. Title: Al-Khidmat Foundation Pakistan
Bank Name: Meezan Bank
Acc#: 0214 0100861151
IBAN PK35 MEZN00 0214 0100861151
Swift Code MEZNPKKA#AlkhidmatFloodRelief

— Jemima Goldsmith (@Jemima_Khan) August 30, 2022

جمائما نے آفیشل ٹوئٹرہینڈل پرالخدمت کے بینک اکاؤنٹ کی تفصیلات شیئرکرتے ہوئے لکھا، “الخدمت سیلاب سے متاثرہ تمام علاقوں میں رسیکیو او ریلیف کی خدمات سرانجام دے رہی ہے، اپنے عطیات انہیں دیں “۔

اس کے علاوہ جمائما نے خیبرپختونخواہ اور پنجاب حکومت کے ریلیف فنڈ کے اکاؤنٹ نمبرز پرمبنی پوسٹربھی شیئرکیا۔

pic.twitter.com/r1tgZI3Bxk

— Jemima Goldsmith (@Jemima_Khan) August 30, 2022

جمائما نے 28 اگست کو اپنی ٹویٹ میں فالوورز سے پوچھا تھاکہ عطیات کسے دینا چاہیئں جس کے جواب میں پاکستان سے سیکڑوں فالوورزنے اپنی رائے دی تھی، بیشتر نے الخدمت کو بہترین فلاحی سرگرمیاں سرانجام دینے کا کریڈٹ دیتے ہوئے جمائما کو اس تنظیم کا نام تجویز کیا تھا۔

سال 1995 میں شادی کے بندھن میں بندھنے والے عمران خان اورجمائما گولڈ اسمتھ کی راہیں 2004 میں جدا ہو گئی تھیں لیکن شادی کے بعد حائقہ کا اسلامی نام پانے والی جمائما نے طلاق کے بعد بھی اپنے نام کے ساتھ لفظ ‘‘خان’’ جوڑے رکھا۔