Aaj News

وارنٹ گرفتاری: عمران خان چِل، حامی مشتعل

عمران خان کے حامیوں سے ان کی رہائش گاہ پہنچنے کی اپیل کی گئی ہے۔
اپ ڈیٹ 01 اکتوبر 2022 11:41pm

سابق وزیراعظم اور پاکستان تحریک انصاف (پی ٹی آئی) چئیرمین کے وارنٹ گرفتاری جاری ہونے کے فوراً بعد ٹوئٹر پر ان کے حامیوں کی جانب سے مختلف ٹرینڈز چلنے شروع ہوگئے ہیں۔

ٹوئٹر پر تیزی سے بننے والے ان ٹریںدز میں عمران خان کی گرفتاری ”سرخ لکیر“ قرار دیتے ہوئے بنی گالہ پہنچنے کا عندیہ دیا گیا ہے۔

ٹرینڈ #نکلو_بنی_گالا_کیطرف میں عمران خان کے حامیوں سے ان کی رہائش گاہ پہنچنے کی اپیل کی گئی ہے۔

عمران خان کی ممکنہ گرفتاری نے میمرز کو بھی متحرک کردیا ہے اور انصافی میمرز کی جانب سے بھی پوسٹس آنا شروع ہوگئی ہیں۔

عمران خان کی گرفتاری کے خلاف اور ان کی حمایت میں شروع ہونے والے ایک اور ٹرینڈ #عمران_خان_ہماری_ریڈ_لائن میں ڈھکے چھپے الفاظ میں سنگین نتائج کی دھمکیاں دی گئی ہیں۔

مذکورہ ٹرینڈز کے ساتھ ہی سوشل میڈیا پر عمران خان کی ایک تصویر بھی خوب وائرل ہورہی ہے جس میں وہ ایک کتے کو کھانا کھلا رہے ہیں، دعویٰ کیا جارہا ہے کہ یہ تصویر جب وارنٹ گرفتاری کے اعلان کے وقت کی ہے۔ یعنی اس تصویر کے زریعے عمران خان کی ممکنہ گھبراہٹ کی تردید کی گئی ہے۔

خیال رہے کہ عمران خان کے خلاف وارنٹ سینئر سول جج رانا مجاہد رحیم کی جانب سے مقدمہ نمبر 407 میں جاری کئے گئے ہیں۔

وارنٹ میں پولیس کو ہدایت دی گئی ہے کہ عمران خان کو گرفتار کرکے صبح 8 بجے عدالت میں یش کیا جائے۔

پی ٹی آئی چیئرمین کے خلاف مقدمہ 20 اگست 2022 کو تھانہ مارگلہ میں درج ہوا تھا جس میں پاکستان پینل کوڈ (پی پی سی) کی دفعات بشمول 504 اور 506 لگائی گئی تھیں۔

imran khan

Arrest Warrant

Comments are closed on this story.

مقبول ترین