Aaj News

بدین: محکمہ وائلڈ لائف کی کارروائی میں نایاب پرندے برآمد

پرندےغیر قانونی طور پرشکار کرکے قید کئے گئے تھے۔
اپ ڈیٹ 04 اکتوبر 2022 03:15pm

محکمہ وائلڈ لائیف نے بدین کے ساحلی علاقے میں کارروائی کرکے فروخت کیئے جانے والے نایاب نسل کے 62 آبی پرندے برآمد کرکے ایک ملزم کو گرفتار کرلیا۔

بدین کے ساحلی علاقے بھگڑا میمن میں محکمہ وائلڈ لائیف نے چھاپہ مار کر غیر قانونی طور پر شکار کرکے فروخت کیئے جانے والے 62 نایاب آبی پرندوں کو برآمد کرکے ایک شکاری کو گرفتار کرلیا، جبکہ پرندوں کو واپس جھیل پر آزاد کردیا گیا۔

اس حوالے سے وائلڈ لائف انسپیکٹر کا کہنا تھا کہ موسم کی تبدیلی کے ساتھ ہی ضلع بدین کے ساحلی علاقوں اور مصنوعی جھیلوں پر سرد ممالک سے مہمان آبی پرندوں کی آمد کا سلسلہ شروع ہوچکا ہے، جس کے بعد شکاریوں کی جانب سے غیرقانونی شکار کا سلسلہ شروع کردیا گیا ہے۔

محکمہ وائلڈ لائف کے مطابق سرد ممالک سے آنے والے آبی پرندوں کا شکار غیر قانونی ہے جس کو روکنے کے لیئے محکمہ وائلڈ لائیف کو مزید اقدامات اٹھانے کی ضرورت ہے۔

wildlife

badin

birds

Comments are closed on this story.