کوہاٹ میں 2 فریقین کے درمیان اراضی کے تنازعے پر شدید فائرنگ کے نتیجے میں 3 افراد جان کی بازی ہار گئے۔

کوہاٹ کی تحصیل لاچی میں زمین کے تنازعے پر 2فریقین کے مابین شدید فائرنگ کا تبادلہ ہوا، جس کے نتیجے میں 3 افراد موقع پر جاں بحق اور 2 افراد شدید زخمی ہوئے ۔

جاں بحق افراد کی لاشوں کو مقامی اسپتال منتقل کر دیا گیا جبکہ زخمیوں کو طبی امداد فراہم کی جارہی ہے ۔

فائرنگ کے واقعے کی اطلاع ملتے ہی کوہاٹ پولیس کی بھاری نفری جائے وقوع پر پہنچ گئی اور ملزمان کی تلاش جاری ہے۔