Aaj News

پیر, اپريل 22, 2024  
13 Shawwal 1445  

’سینئر لیڈرشپ لاہور پہنچ رہی ہے، عمران خان کا پیغام پہنچا دیا‘

عوام حکمرانوں کی بات سننے کو تیار نہیں، شاہ محمود قریشی
شائع 03 نومبر 2022 09:58pm
سابق وفاقی وزیر۔ فوٹو —فائل
سابق وفاقی وزیر۔ فوٹو —فائل

رہنما پاکستان تحریک انصاف (پی ٹی آئی) شاہ محمود قریشی کا کہنا ہے کہ پی ٹی آئی کی سینئر لیڈر شپ لاہور پہنچ رہی ہے، سینئر رہنماؤں کا اجلاس کل ہوگا، عمران خان کی ہدایت پر ان کا پیغام جاری کردیا ہے۔

لاہور میں عمران خان سے ملاقات کے بعد میڈیا سے گفتگو کرتے ہوئے شاہ محمود قریشی نے کہا کہ کارکنان اپنے غصے کا اظہار کررہے ہیں، ہر شہر میں احتجاج جاری ہے جب کہ عوام عمران خان سے اظہارِ یکجہتی کررہے ہیں۔

انہوں نے کہا کہ لبرٹی سے روانہ ہو کر وزیر آباد تک پہنچے، ہمارا حقیقی آزادی مارچ پرامن رہا، ہر شہر میں عوام نے عمران خان کا استقبال کیا۔

شاہ محمود قریشی کا مزید کہنا تھا کہ ہمیں مشتعل کرنے کی کوشش کی گئی، لیکن ہم نے پُرامن انداز میں اپنا احتجاج ریکارڈ کرانا ہے۔

پی ٹی آئی رہنما کا کہنا تھا کہ عمران خان نے ملک بھر میں اپنا پیغام پہنچایا، ان کا بیانیہ لوگوں کے ذہن میں بیٹھ گیا ہے، عوام اب حکمرانوں کی بات سننے کو تیار نہیں ہیں۔

Shah Mehmood Qureshi

lahore

PTI long march 2022

Azadi March Nov3 2022

Firing on Container

Comments are closed on this story.

تبصرے

تبولا

Taboola ads will show in this div