Aaj News

عمران خان پر قاتلانہ حملے کیخلاف مذمتی قرارداد پنجاب اسمبلی میں جمع

قرارداد پی ٹی آئی کی رکن سیمابیہ طاہر کی جانب سے جمع کروائی گئی
شائع 04 نومبر 2022 02:42pm
<p>فوٹو۔۔۔۔۔ اے ایف پی</p>

فوٹو۔۔۔۔۔ اے ایف پی

وزیرآباد میں حقیقی آزادی مارچ کے دوران پاکستان تحریک انصاف کے چیئرمین عمران خان پرقاتلانہ حملے کے خلاف مذمتی قرارداد پنجاب اسمبلی میں جمع کروادی گئی۔

پنجاب اسمبلی میں مذمتی قرارداد تحریک انصاف کی رکن سیمابیہ طاہر کی جانب سے جمع کروائی گئی۔

قرارداد میں کہا گیا کہ پنجاب اسمبلی کا یہ ایوان عمران خان پر قاتلانہ حملے کی مذمت کرتا ہے، واقعے میں ایک کارکن کی شہادت پر یہ ایوان افسوس اور دکھ کا اظہار کرتا ہے۔

قرارداد میں زخمیوں کی جلد صحت یابی کے لئے دعا اور حملہ آور کو روکنے والے کارکن کی بہادری کو سلام پیش کیا گیا۔

قرارداد میں کہا گیا کہ یہ ایوان دعا گو ہے کہ اللہ تعالیٰ پاکستان کو ہر قسم کی آفت، مشکل اور ناگہانی صورتحال سے محفوظ رکھے اور چیئرمین پی ٹی آئی عمران خان کو صحت کاملہ عطا کرے۔

گزشتہ روز وزیرآباد سے گزرتے ہوئے اللہ ہو چوک کے مقام پر پی ٹی آئی حقیقی آزادی مارچ کے کنٹینر پر فائرنگ کے نتیجے میں عمران خان اور پی ٹی آئی رہنماؤں سمیت 13 افراد زخمی ہوگئے جبکہ معظم نامی ایک شخص جاں بحق ہوگیا۔

imran khan

punjab assembly

Resolution

PTI long march 2022

Azadi March Nov4 2022

Comments are closed on this story.

مقبول ترین