Aaj News

بدھ, مئ 29, 2024  
20 Dhul-Qadah 1445  

پی ٹی آئی قیادت کی مقتول معظم گوندل کے گھر آمد، ورثاء کو 50 لاکھ دینے کا اعلان

میرے بچے کا خون رائیگاں نہیں جانا چاہئے، مقتول کے والد کا پی ٹی آئی قیادت سے مطالبہ
اپ ڈیٹ 06 نومبر 2022 09:20am
تصویر آج نیوز
تصویر آج نیوز
مقتول معظم کی والدہ اور یتیم بچوں کوعمران خان سے ملوانے لاہور لیکر جایا جارہا ہے، تصویر آج نیوز
مقتول معظم کی والدہ اور یتیم بچوں کوعمران خان سے ملوانے لاہور لیکر جایا جارہا ہے، تصویر آج نیوز

پاکستان تحریک انصاف کی مرکزی قیادت لانگ مارچ میں جاں بحق ہونے والے معظم کے گھر پہنچ گئی۔

فواد چوہدری، حماد اظہر اور ذلفی بخاری مقتول کے اہلِ خانہ سے تعزیت کی اور فاتحہ خوانی کی۔

معظم گوندل کے بچے بھی فاتحہ خوانی میں شریک ہوئے، پی ٹی آئی کی قیادت نے بچوں سے شفقت کا اظہار کیا اور سر پر پیار دیا۔

پی ٹی آئی رہنماؤں کا کہنا تھا کہ آپ کے دکھ میں برابر کے شریک ہیں جواں سالہ موت کا صدمہ ہے۔ پسماندگان اور اہلِ خانہ کے لیے صبر کی دعا کرتے ہیں۔

پی ٹی آئی قیادت کا کہنا تھا کہ انتہائی دکھ اور کرب والا معاملہ ہوا ہے ، اللہ مرحوم کی مغفرت فرمائے۔

فواد چوہدری نے اعلان کیا کہ پی ٹی آئی حکومت کی جانب سے 50 لاکھ روپے کی رقم مقتول کے ورثاء کو دی جائے گی۔

مقتول معظم شہزاد کے گھر میڈیا سے گفتگو کرتے ہوئے فواد چوہدری نے کہا کہ معظم کی قربانی رائیگاں نہیں جائے گی جنہوں نے اپنی جان کا نذرانہ پیش کرکے سینکڑوں قیمتی جانیں بچائیں۔

فواد چوہدری نے کہا کہ اس واقعہ نے پاکستان کو ہلا کر رکھ دیا ہے، عوام کو اداروں پر اعتماد نہیں جب کہ وزیر آباد میں ایف آئی آئی بھی بہت جلد درج ہو جائے گی، یہ آج نہیں تو کل درج ہونی ہی ہے۔

اختر ملک نے کہا کہ پنجاب کابینہ نے مرحوم کے 50 لاکھ کا اعلان کیا ہے، معظم نے قوم کو نئی زندگی دی ہے، محسن کی قربانی لازوال بچوں نے باپ کو خود شہید ہوتے دیکھا اور ہمیں سارا واقعہ سنایا۔

 اسکرین گریب
اسکرین گریب

اس موقع پر مقتول معظم کے والد نے پی ٹی آئی قیادت سے مطالبہ کرتے ہوئے کہا کہ میرے بچے کا خون رائیگاں نہیں جانا چاہئے۔

دوسری جانب مقتول معظم کی والدہ اور یتیم بچوں کو پی ٹی آئی چیئرمین عمران خان سے ملوانے لاہور لے جایا گیا ہے۔

صوبائی وزیر اختر ملک سمیت سابق ناظم فیاض احمد چٹھہ بھی مقتول کے گھر پہنچے۔

اس موقعے پر حماد اظہر کا کہنا تھا کہ معظم گوندل پورے پاکستان کی آن ہے۔

pti leaders

Firing on Container

Moazam Gondal

Azadi March Nov5 2022