Aaj News

ایلون مسک نے ٹوئٹر کے نئے فیچرز کا اعلان کردیا، فیس وصولی بھی شروع

بلیو ٹک کیلیے پانچ ڈالر ماہانہ وصولی فی الحال امریکہ ، کینیڈا ، نیوزی لینڈ ، آسٹریلیا میں شروع کی گئی ہے۔
شائع 06 نومبر 2022 06:51pm
تصویر بزریعہ اے ایف پی
تصویر بزریعہ اے ایف پی

ٹوئٹر کے نئے مالک ایلون مسک پلیٹ فارم کے تصدیقی نظام کو بہتر بنانے اور نقصانات کو کم کرنے کے لیے کام کر رہے ہیں، اور اسی کے پیش نظر ٹوئٹر نے پانچ ممالک میں محدودطور پر آئی او ایس صارفین کے لیے 8 ڈالر کے عوض ”تصدیقی سروس“ کا آغاز کردیا ہے۔

ارب پتی بزنس مین اور الیکٹرک کار بنانے والی کمپنی ٹیسلا کے چیف ایگزیکیوٹیو آفیسر (سی ای او) ایلون مسک نے 44 بلین ڈالرز میں سوشل میڈیا کمپنی کو خریدا اور اس کے ایک ہفتے بعد ہی صارفین کو ویریفکیشن اور بلیو ٹک کیلئے 8 ڈالرز فیس ادا کرنے پر مجبور کیا گیا۔

ایلون نے ”پیسہ بچاؤ“ مہم کے تحت ٹوئٹر کے نصف عملے کو فارغ کردیا ہے اور اعلان کیا ہے کہ مستقبل میں صارفین کو مزید ادائیگیاں کرنی پڑ سکتی ہیں۔

آٹھ ڈالرز فیس کے عوض ویریفکیشن کے ساتھ ”ٹوئٹر بلیو“ فی الحال امریکا ، برطانیہ، کینیڈا، آسٹریلیا، اور نیوزی لینڈ میں دستیاب ہے۔

ٹوئٹر نے اپنی مائیکروبلاگنگ ویب سائٹ پر نئی ایپ اپ ڈیٹ کا اعلان بھی کیا اور کہا، ”آج سے، ہم ٹوئٹر بلیو میں زبردست نئی خصوصیات شامل کر رہے ہیں، اور جلد ہی مزید بہت کچھ کرنے والے ہیں۔ اگر آپ ابھی سائن اپ کرتے ہیں تو 7.99 ڈالرز ماہانہ میں ٹویٹر بلیو حاصل کرسکیں گے۔“

ٹویٹر نے اپنی سائٹ پر جاری ایک بیان میں کہا کہ، ”بلیو چیک مارک: لوگوں کے لیے طاقت۔ آپ کے اکاؤنٹ کو نیلے رنگ کا چیک مارک ملے گا، بالکل اسی طرح جیسے آپ مشہور شخصیات، کمپنیوں اور سیاست دانوں کو فالو کرتے ہیں۔“

مسک کی آمد سے پہلے، کسی شخص یا کمپنی کے نام کے ساتھ نیلے رنگ کے نشان کا مطلب تھا کہ ٹویٹر نے اکاؤنٹ کی تصدیق کر دی ہے اور یہ حقیقی ہے۔ تاہم، اب یہ واضح نہیں ہے کہ ٹویٹر فیس وصول کرنے کے علاوہ صارف کی شناخت کی تصدیق کیسے کرنا چاہتا ہے۔

آٹھ ڈالرز میں مزید کیا ملے گا؟

کم اشتہارات، طویل ویڈیوز پوسٹ کرنے کی اہلیت، اور معیاری مواد کے لیے ترجیحی درجہ بندی وہ فوائد ہیں جو صارفین کو سبسکرپشن کے ساتھ ملیں گے۔

کمپنی نے ایک اشتہاری بیان میں لکھا، ”جلد آرہا ہے… آدھے اشتہارات اور کارکردگی میں بہت بہتر۔ چونکہ آپ بوٹس کے خلاف جنگ میں ٹوئٹر کا ساتھ دے رہے ہیں، اس لیے ہم آپ کو کم اشتہارات سے نوازیں گے اور انہیں دوگنا متعلقہ بنائیں گے۔“

اشتہار میں مزید کہا گیا، ”لمبی ویڈیوز پوسٹ کریں، آپ آخر کار ٹویٹر پر طویل ویڈیوز پوسٹ کرنے کے قابل ہو جائیں گے۔ معیاری مواد کے لیے ترجیحی درجہ بندی: آپ کے مواد کو جوابات، تذکروں اور تلاش میں ترجیحی درجہ بندی ملے گی۔ اس سے گھوٹالوں، اسپام اور بوٹس کی مرئیت کو کم کرنے میں مدد ملتی ہے۔“

ٹوئٹر کا موجودہ تصدیقی نظام، جسے 2009 میں مشہور شخصیات اور سیاستدانوں جیسے ہائی پروفائل اکاؤنٹس کی نقالی کو روکنے کے لیے شروع کیا گیا تھا، کو مرحلہ وار ختم کر دیا جائے گا۔

ٹوئٹر کے پاس اب تقریباً چار لاکھ 23 ہزار تصدیق شدہ اکاؤنٹس ہیں، جن میں سے اکثر دنیا بھر سے رینک اور فائل صحافی ہیں جن کی تصدیق ان کے فالوورز کی تعداد سے قطع نظر کی گئی تھی۔

ٹوئٹر کی تصدیق کا اعلان کمپنی کی جانب سے اخراجات کو کم کرنے کی کوشش میں ملازمین کو برطرف کرنے کے ایک دن بعد سامنے آیا ہے، جبکہ کاروبار سائٹ پر اپنے اشتہارات میں تاخیر کر رہے ہیں کیونکہ محتاط کاروباری برادری یہ دیکھنے کا انتظار کر رہی ہے کہ کمپنی اپنے نئے مالک کے تحت کیسے کام کرے گی۔

ٹویٹر

Elon Musk

Twitter Blue

twitter account verification

Blue Tick

Comments are closed on this story.

تبصرے

تبولا

Taboola ads will show in this div