Aaj News

اینٹی انکروچمنٹ کے نوٹس کیخلاف فوری سماعت کی درخواست منظور

پولیس کی جانب سے سپریم کورٹ کا نام استعمال کیا جارہاہے، درخواست
شائع 08 نومبر 2022 02:57pm
<p>فوٹو:فائل</p>

فوٹو:فائل

سندھ ہائیکورٹ نے نارتھ ناظم آباد میں ستردکانوں کو مسمار کرنے کے نوٹس کیخلاف دکانداروں کی فوری سماعت کی درخواست منظورکرلی۔

درخواست گزار نے موقف اپنایا ہے کہ دکانیں چوبیس گھنٹے میں خالی کرنے کا نوٹس دیاگیا ہے، معاملہ ہائیکورٹ میں زیر سماعت ہے اور حکم امتناع جاری ہوچکا ہے، فریقین دکانیں خالی کرانے کیلیے نئے نئے ہتھکنڈے استعمال کررہے ہیں۔

درخواست میں کہا گیا ہے کہ پولیس کی جانب سے سپریم کورٹ کا نام استعمال کیا جارہاہے، سپریم کورٹ کا کوئی حکم ہے تو وہ اس عدالت میں پیش کیا جائے ،عدالت قرار دے چکی ہے کہ دکانیں تجاوزات نہیں۔

درخواست میں مزید کہا گیا ہے کہ پولیس فاؤنڈیشن اور دکانداروں کے درمیان کرائے کا معاہدہ ہے، پولیس تجاوزات قرار نہیں دے سکتی۔

Sindh High Court

Anti Enchrochment

North Nazimabad

Comments are closed on this story.

مقبول ترین