Aaj News

جمعرات, مارچ 28, 2024  
17 Ramadan 1445  

اعظم سواتی کی مبینہ ویڈیو پر سینیٹ کمیٹی نے ڈی جی ایف آئی اے کو طلب کرلیا

جمعیت علما اسلام کے سینیٹر مولانا عبدالغفور حیدری کمیٹی کے کنوینئرمنتحب
شائع 08 نومبر 2022 07:29pm
فوٹو — فائل
فوٹو — فائل

پی ٹی آئی سینیٹر اعظم سواتی کی مبینہ ذاتی ویڈیو کے معاملے پر سینیٹ کی کمیٹی نے ڈائریکٹر جنرل وفاقی تحقیقاتی ایجنسی (ایف آئی اے) کو طلب کرلیا۔

سینیٹ میں چیئرمین سینیٹ صادق سنجرانی کی تشکیل کردہ خصوصی کمیٹی کا اجلاس ہوا جس میں سینیٹر اعظم سواتی اور پی ٹی آئی کے اراکین نے کمیٹی کا بائیکاٹ کیا۔

کمیٹی رکن اور پی ٹی آئی کے سینیٹر محسن عزیز بھی اجلاس میں شریک نہ ہوئے جس کے بعد کمیٹی نے جمعیت علما اسلام (جے یو آئی) کے سینیٹر مولانا عبدالغفور حیدری کو بطور کنوینئرمنتحب کر لیا۔

سینیٹ اسپشل کمیٹی نے سواتی کو کمیٹی میں مدعو کرنے کے لئے سینیٹرز کا گروپ بھی تشکیل دے دیا جس میں سینیٹر طاہر بزنجو، حاجی ہدایت خان، دلاورخان اور مشتاق احمد شامل ہیں، گروپ کے اراکین اعظم سواتی کے گھر جا کر انہیں کمیٹی میں آنے کی درخواست کریں گے۔

سینیٹ اسپشل کمیٹی نے اعظم سواتی کی ویڈیو کے معاملے پر ڈی جی ایف آئی اے کو بھی طلب کرلیا، ڈی جی ایف آئی کو ویڈیو پر مکمل رپورٹ کے ساتھ ذاتی حیثیت میں پیش ہونے کی ہدایت کی گئی ہے۔

pti

FIA

senate

Azam Khan Swati

Video Leak

Comments are closed on this story.

تبصرے

تبولا

Taboola ads will show in this div