شجاع آباد میں چوری کی بڑی واردات پیش آئی جہاں ڈاکو لاکھوں روپے نقدی سمیت تقریباً 10لاکھ روپے مالیت کا قیمتی سامان لیکر فرار ہوگئے۔

نواحی علاقے موچی پورہ میں چوری کی بڑی واردات ہوئی، ایف آئی آر متن کے مطابق ڈاکو گھر کی چھت میں نقب لگا کر5 تولہ طلائی زیورات آدھا کلو چاندی لے کر رفوچکر ہوگئے۔

ڈاکوؤں نے ڈیڑھ لاکھ روپے نقدی سمیت 10 لاکھ روپے مالیت کا قیمتی سامان لے اُڑے۔

واقعے کے بعد 15 پولیس کو اطلاع دی گئی، تو تھانہ سٹی پولیس موقع پر پہنچ گئی اور قانونی کارروائی کا آغاز کردیا۔

چوری کی واردات کا مقدمہ نامعلوم افراد کے خلاف درج کرکے واقعے کی مزید تحقیقات جاری ہیں۔