Aaj News

دھند کے باعث بند موٹرویز کو کھول دیا گیا

موسم بہتر ہونے کے بعد تمام موٹر وے کو ہر قسم کی ٹریفک کے لئے کھولا گیا
اپ ڈیٹ 04 دسمبر 2022 03:09pm
<p>فوٹو۔۔۔۔۔ اے ایف پی</p>

فوٹو۔۔۔۔۔ اے ایف پی

پنجاب اور خیبرپختونخوا کے مختلف علاقوں میں شدید دھند کے باعث بند کی گئی، موٹر ویز کو موسم بہتر ہونے کے بعد ٹریفک کے لئے کھول دیا گیا۔

ترجمان موٹروے پولیس کے مطابق دھند کے باعث موٹر وے ایم ٹو لاہور سے کوٹ مومن تک، لاہور ملتان موٹر وے ایم 3 فیض پور سے درخانہ تک اور موٹر وے ایم 5 شجاع آباد، جلالپور انٹرچینج بند کی گئی۔

موٹر وے پولیس کے مطابق موٹر وے ایم 4 پنڈی بھٹیاں سے درخانہ تک بند کی گئی جبکہ موٹر وے ایم ون پر برہان تا صوابی سوات ایکسپریس وے پر کرنل شیرخان انٹرچینج سے اسماعیلہ تک ٹریفک معطل رہی۔

موٹر وے پولیس نے شہریوں کو ہدایت کی کہ دھند کے باعث گاڑی چلاتے وقت فوگ لائٹ کا استعمال لازمی کریں اور مکمل احتیاطی تدابیر اختیار کریں تاہم بعد ازاں موسم بہتر ہونے کے بعد تمام موٹر وے کو ہر قسم کی ٹریفک کے لیے کھول دیا گیا۔

دنیا کے آلودہ ترین شہروں میں آج بھی لاہور کا پہلا نمبر

دوسری جانب دنیا کے آلودہ ترین شہروں میں لاہور آج بھی سرفہرست ہے، ایئر انڈیکس کوالٹی کے مطابق آلودہ ترین شہروں میں ڈھاکادوسرے اور کراچی تیسرے نمبر پر موجود ہے۔

lahore

punjab

fog

moterway

air quality index

Comments are closed on this story.

مقبول ترین