Aaj News

پنڈی ٹیسٹ کا چوتھا روز: پاکستان پہلی اننگز میں 579 رنز پر آؤٹ

انگلش ٹیم کو پاکستان کے خلاف 78رنز کی برتری حاصل
شائع 04 دسمبر 2022 11:35am
<p>فوٹو۔۔۔۔ اے ایف پی</p>

فوٹو۔۔۔۔ اے ایف پی

راولپنڈی ٹیسٹ کے چوتھے روزپاکستان ٹیم انگلینڈ کے خلاف پہلی اننگزمیں 579 رنزبنا کرآؤٹ ہوگئی جبکہ انگلش ٹیم کو 78رنزکی برتری حاصل ہے۔

راولپنڈی کرکٹ اسٹیڈیم میں کھیلے جارہے پہلے ٹیسٹ میچ کے چوتھے روز پاکستان نے پہلی نامکمل اننگز 499 رنز 7 کھلاڑی آؤٹ سے آگے بڑھائی۔

آغاسلمان نےکیرئیرکی دوسری نصف سنچری اسکور کی، آغا سلمان63 گیندوں پر 53 رنز کے ساتھ ول جیکس کی گیند پر کیچ آؤٹ ہوگئے جبکہ زاہد محمود 17 رنز بنا کر اسٹمپڈ آؤٹ ہوئے، حارث رؤف بھی 12 رنز بنا کر ول جیکس کا شکار بنے۔

انگلینڈ کی جانب سے ول جیکس نے شاندار بولنگ کا مظاہرہ کرتے ہوئے 6 کھلاڑیوں کو آؤٹ کیا اور جیک لیچ نے 2، اولی روبنسن اور جیمز اینڈرسن نے ایک ایک وکٹ حاصل کی۔

اس سے قبل انگلینڈ نے پنڈی ٹیسٹ کی پہلی اننگز میں 657 رنز بنائے تھے، انگلینڈ کی جانب سے ہیری بروک نے 153، اولی پوپ نے 108، بین ڈکٹ نے 107 اور ریک کرالی نے 122 رنز کی اننگز کھیلی تھیں۔

پاکستان کی جانب سے زاہد محمود نے 4، نسیم شاہ نے 3 محمد علی نے 2 اور حارث رؤف نے ایک کھلاڑی کو آؤٹ کیا تھا۔

rawalpindi

test series

1st test match

Pakistan vs England

pakistan all out

Comments are closed on this story.

مقبول ترین