Aaj News

جمعہ, اپريل 19, 2024  
10 Shawwal 1445  

کار سرکار میں مداخلت کیس: عمران خان کی عبوری ضمانت میں توسیع

حکومت کا ایک ہی مقصد ہے عمران خان کو نااہل کر دیا جائے، بابر اعوان
اپ ڈیٹ 09 دسمبر 2022 11:14am
فوٹو۔۔۔۔ اے ایف پی
فوٹو۔۔۔۔ اے ایف پی

اسلام آباد کی انسداد دہشت گری عدالت نے کار سرکار میں مداخلت کیس میں پاکستان تحریک انصاف کے چیئرمین عمران خان کی عبوری ضمانت میں 19 دسمبر تک توسیع کر دی۔

الیکشن کمیشن فیصلے کے بعد احتجاجی مظاہرے اور کار سرکار میں مداخلت کے کیس کی سماعت جج راجہ جواد عباس حسن نے کی،عمران خان کے وکیل بابر اعوان عدالت میں پیش ہوئے۔

وکیل بابر اعوان نے سابق وزیراعظم عمران خان کی آج کی حاضری سے استثنیٰ کی درخواست دائر کرتے ہوئے بتایا کہ عمران خان لاہور ہیں ،پیش نہیں ہو سکیں گے۔

عدالت نے حاضری سے استثنیٰ کی درخواست منظور کرتے ہوئے عمران خان کی عبوری ضمانت میں 19 دسمبر تک توسیع کر دی۔

’موجودہ حکومت کا ایک ہی مقصد ہے عمران خان کو کسی طرح نااہل کر دیا جائے‘

میڈیا سے گفتگو کرتے ہوئے بابر اعوان نے کہا کہ انتقام لینے کے لئے کیسز بنائے گئے، موجودہ حکومت کا ایک ہی مقصد ہے کہ عمران خان کو کسی طرح نااہل کر دیا جائے۔

ان کا مزید کہنا تھا کہ توشہ خانہ کے بچے پیدا کیے جا رہے ہیں، انہیں صرف اور صرف عمران خان سے ڈر ہے، اسحاق ڈار کو شاہی پروٹوکول میں لایا گیا اب وزیراعظم کے بیٹے کو بھی شاہی پروٹوکول میں لایا جائے گا۔

pti

ATC

اسلام آباد

imran khan

Bail

Politics Dec09 2022

Comments are closed on this story.

تبصرے

تبولا

Taboola ads will show in this div