Aaj News

قبائلی اضلاع کی تاریخ میں پہلی بارخواتین سائیکلنگ کیمپ

کیمپ کی نگرانی بین الاقوامی سائیکلسٹ ثمرخان، قبائلی خاتون صحافی جمائمہ آفریدی نے کی
اپ ڈیٹ 10 دسمبر 2022 02:21pm
<p>بین الاقوامی سائیکلسٹ ثمرخان نے کہا کہ یہاں کی خواتین میں کافی ٹیلنٹ موجود ہے۔ تصویر/آج نیوز</p>

بین الاقوامی سائیکلسٹ ثمرخان نے کہا کہ یہاں کی خواتین میں کافی ٹیلنٹ موجود ہے۔ تصویر/آج نیوز

<p>کیمپ کا انعقاد گلوبل سپورٹس منٹورنگ پروگرام کے تحت کیا گیا۔  تصویر/آج نیوز</p>

کیمپ کا انعقاد گلوبل سپورٹس منٹورنگ پروگرام کے تحت کیا گیا۔ تصویر/آج نیوز

ضلع خیبرکی تحصیل لنڈی کوتل میں قبائلی اضلاع کی تاریخ میں پہلی بارخواتین کے لیے سائیکلنگ کیمپ کا انعقاد کیا گیا۔

لنڈی کوتل کے تاتارا اسپورٹس گراونڈ میں منعقد کئے گئے کیمپ کی نگرانی بین الاقوامی پاکستانی سائیکلسٹ ثمرخان اور قبائلی خاتون صحافی جمائمہ آفریدی نے کی۔

پہلی مرتبہ انعقاد کیے جانے والے سائیکلنگ کیمپ میں لنڈی کوتل سے تعلق رکھنے والی 15 خواتین نے حصہ لیا جبکہ کیمپ کا انعقاد گلوبل اسپورٹس مینٹورنگ پروگرام کے تحت کیا گیا۔

بین الاقوامی سائیکلسٹ ثمرخان کا کہنا تھا کہ قبائلی خواتین اور کلچر کے بارے میں جو سنا تھا، ان سے بالکل برعکس پایا، یہاں کی خواتین میں کافی ٹیلنٹ موجود ہے اور انہیں سہولیات دینا ایک اہم ضرورت ہے۔

ثمرخان نے کہا کہ مستقبل میں بھی خواتین کے لئے اس طرح کی صحت مندانہ سرگرمیوں کا انعقاد کیا جائے گا تاکہ قبائلی خواتین کو اپنی صلاحیتیں اُجاگر کرنے کا موقع ملے۔

خیبر پختونخوا

Landi Kotal

Khyber District

Comments are closed on this story.

مقبول ترین