پشاور میں سابق صوبائی وزیر حاجی جاوید کے گھر پر دستی بم حملہ کرنے کی ناکام کوشش کی گئی۔

پولیس کے مطابق گلبہار نمبر 4 میں نامعلوم افراد نے سابق صوبائی وزیر حاجی جاوید کے گھر پر دستی بم پھینکا جو چھت پر جاگرا، تاہم پھٹ نہ سکا۔

پولیس نے بتایا کہ اطلاع ملنے کے بم ڈسپوزل یونٹ نے بم کو ناکارہ بنایا اور کوئی جانی نقصان نہیں ہوا۔

پولیس کے مطابق کچھ دن قبل نامعلوم افراد کی جانب سے بھتے کی کال موصول ہوئی تھی جس سے متعلق حاجی جاوید نے پولیس کو آگاہ کیا تھا۔

پولیس اور بم ڈسپوزل اسکواڈ نے جائے وقوعہ کا جائزہ لیکر تفتیش شروع کردی ہے۔