Aaj News

پاکستانی ہاکی ٹیم نے 1978 میں ارجنٹینا کو پہلا فٹبال ورلڈ کپ کیسے جتوایا

ارجنٹینا فٹبال ٹیم کے کوچ سیزر لوئس نے پاکستان ہاکی ٹیم کے کوچ وحید خان سے مل کر کونسا راز پوچھا؟
شائع 18 دسمبر 2022 05:04pm

ارجنٹینا نے پہلی بار فیفا ورلڈ کپ 1978 میں جیتا، اور یہ ورلڈ کپ ارجنٹینا نے پاکستانی ہاکی ٹیم کے کوچ کی ٹپس پر جیتا تھا۔

1978 میں فٹبال اور ہاکی کے دونوں ورلڈ کپ کی میزبانی ارجنٹینا نے کی، مارچ میں ہونے والے ہاکی ورلڈ کپ میں پاکستان نے دنیا کو حیران کردیا۔

پاکستان نے نہ صرف 35 گول کا عالمی ریکارڈ بنایا، بلکہ مخالف ٹیم کی ڈیفنس کو اس طرح تباہ کیا کہ دنیا انگشت بہ دنداں رہ گئی۔

ارجنٹینا فٹبال ٹیم کے کوچ سیزر لوئس یہ سب دیکھ رہے تھے، انہیں پاکستان کی اسٹریٹجی میں اپنی ٹیم کی فتح نظر آرہی تھی۔

سیزر نے نہ صرف پاکستان کے ٹریننگ سیشن میں شرکت کی بلکہ وہ تمام میچ بھی دیکھتے رہے۔

میچز کے اختتام پر سیزر اپنے ذاتی طیارے سے پاکستان ہاکی ٹیم کے کوچ وحید خان سے ملنے پہنچ گئے۔

وحید خان نے سیزر کو ونگرز، مڈفیلڈ اور ڈیفنڈرز کو ورغلا کر اٹیک کرنے کے تمام راز بتا دیئے۔

اور دو ماہ بعد 25 جون 1978 کو ارجنٹینا فٹبال ورلڈ کپ کا چیمپئن بن گیا۔

اس جیت کے چند ہفتوں بعد وحید کو کراچی میں ایک ٹیلی گرام ملا، یہ سیزر کا تھا جس میں انہوں نے اعتراف کیا کہ پاکستانی کوچ کی دی گئیں ٹپس کام کرگئیں۔

وحید بھوپال میں پیدا ہوئے، 1949 میں ہجرت کر کے پاکستان آئے اور کراچی کی پی آئی بی کالونی میں سکونت اختیار کی۔

Argentina

FIFA World Cup 2022

Comments are closed on this story.

تبصرے

تبولا

Taboola ads will show in this div