آسٹریلیا اورجنوبی افریقا کے درمیان تیسرا ٹیسٹ ڈرا ہوگیا، جس کے بعد کینگروزنے 3 میچز کی سیریز 0-2 سے اپنے نام کرلی۔

سڈنی میں کھیلے گئے تیسرے ٹیسٹ کے پانچویں روز جنوبی افریقا کی ٹیم پہلی اننگزمیں 255 رنز پر ڈھیر ہوکر فالو آن کا شکار ہوگئی۔

مہمان ٹیم نے فالو آن کے بعد دوسری اننگزمیں 2 وکٹوں پر106 رنز بنائے۔

آسٹریلیا نے پہلی اننگز 475 رنز 4 کھلاڑی آؤٹ پر ڈیکلیئر کی تھی، 195 رنزکی اننگز کھیلنے پرعثمان خواجہ میچ کے بہترین کھلاڑی قرار پائے جبکہ ڈیوڈ وارنر کو مین آف دی سیریز قرار دیا گیا۔