ملک میں بڑھتی ہوئی آلودگی نے شہریوں کی ناک میں دم کر رکھا ہے ساتھ ہی مشکلات میں بھی اضافہ کردیا ہے۔

آلودگی کے باعث کراچی دنیا کے آلودہ ترین شہروں کی فہرست میں دوسرے نمبر پرآگیا جبکہ شہرمیں آلودہ ذرات کی مقدار211 پر ٹیکیولیٹ میٹرز ریکارڈ کی گئی ہے۔

ائیرکوالٹی انڈیکس کے مطابق آلودہ ترین شہروں کی فہرست میں بنگلہ دیش کا شہر ڈھاکہ 364 پریٹیکولیٹ میٹرز کے ساتھ پہلے نمبر پر ہے، ساتھ ہی بھارت کا شہر کلکتہ 204 پرٹیکیولیٹ میٹرز کے ساتھ چوتھے نمبر پر براجمان ہے۔

درجہ بندی کے مطابق 151 سے 200 درجے تک آلودگی مضر صحت،201 سے 300 درجے تک آلودگی انتہائی نقصان دہ جبکہ301 سے زائد درجہ خطرناک آلودگی کوظاہر کرتا ہے۔