Aaj News

جمعرات, مارچ 28, 2024  
17 Ramadan 1445  

پیپلز پارٹی کی مقبولیت سے عمران خان کی ٹانگیں کانپ رہی ہیں، اسماعیل راہو

کراچی کے لوگوں میں شعور تھا اسی لئے آپ کو مسترد کیا
شائع 22 جنوری 2023 01:32pm
سندھ کے باشعور لوگوں نے تیر پر ٹھپہ لگایا اور بلے کو توڑ دیا، اسماعیل راہو - تصویر/ فیس بک
سندھ کے باشعور لوگوں نے تیر پر ٹھپہ لگایا اور بلے کو توڑ دیا، اسماعیل راہو - تصویر/ فیس بک

پاکستان پیپلز پارٹی (پی پی پی) کے رہنما و وزیر جامعات اسماعیل راہو نے کہا کہ حالات سندھ کے خراب نہیں آپکے ذہن کے ہیں چئیرمین بلاول بھٹو کی کارکردگی اور پی پی پی کی مقبولیت سے عمران خان کی ٹانگیں کانپ رہی ہیں۔

صوبائی وزیراسماعیل راہو کا کہنا ہے کہ سندھ میں بلدیاتی انتخابات میں تحریک انصاف کوعبرتناک شکست عمران خان کے زوال کی نشانی ہے، خان صاحب کراچی کے لوگوں میں شعور تھا اسی لئے ہی تو آپ کو مسترد کیا۔

ان کا کہنا تھا کہ سندھ کے باشعور لوگوں نے تیر پر ٹھپہ لگایا اور بلے کو توڑ دیا اورعمران خان کی پارٹی امپائر کی انگلی کے بغیر ضلع کاؤنسل کی سیٹ بھی نہیں جیت سکتی۔

اسماعیل راہو نے اپنے بیان میں کہا کہ کراچی کی عوام نے پی ٹی آئی کو 2018 کےعام انتخابات میں ہی مسترد کردیا تھا مگر انہیں جعلی ووٹوں کےذریعے زبردستی جتوایا گیا تھا۔

ان کا مزید کہنا تھاکہ بلدیاتی انتخابات میں کوئی دھاندھلی نہیں ہوئی، پی ٹی آئی سے کراچی کے لوگوں نے جھوٹے وعدوں کا بدلہ لیا ہے۔

CM Sindh

PPP

Ismail Rahoo

Sindh Local Bodies Election

Comments are closed on this story.

تبصرے

تبولا

Taboola ads will show in this div