Aaj News

جمعہ, مارچ 29, 2024  
18 Ramadan 1445  

بجلی بریک ڈاؤن کے باعث کراچی کو پانی فراہم کرنے والی مین لائن پھٹ گئی

کراچی واٹر بورڈ کی شہریوں سے پانی کا ذخیرہ کرنے کی اپیل
اپ ڈیٹ 23 جنوری 2023 04:58pm
لائن کا مرمتی کام 48 گھنٹوں میں مکمل ہوجائے گا،چیف انجینئر - تصویر/ روئٹرز
لائن کا مرمتی کام 48 گھنٹوں میں مکمل ہوجائے گا،چیف انجینئر - تصویر/ روئٹرز

حالیہ بجلی بریک ڈاؤن کے باعث کراچی کو پانی فراہم کرنے والی 72 انچ قطر کی مین لائن بیک پریشر سے پھٹ گئی۔

چیف انجنیئر الیکٹریکل اینڈ مکینیکل (ایم اینڈ ڈی) انتخاب راجپوت کے مطابق بریک ڈاؤن سے پورے شہر کو پمپنگ کا عمل رُک گیا، سسٹم میں اس وقت 196 ایم جی ڈی پانی کی کمی کا سامنا ہے جب کہ شہر کو روزانہ 550ایم جی ڈی پانی فراہم کیا جاتا ہے۔

دوسری جابنب حکام واٹر بورڈ کا کہنا ہے کہ پھٹنے والی مین لائن پر مرمتی کام شروع ہو چکا ہے جو رات تک مکمل کرلیا جائے گا، البتہ پانی کی فراہمی بجلی آنے کے بعد ہی ممکن ہوسکے گی۔

چیف انجینئر ایم اینڈ ڈی نے بتایا کہ پانی کی سپلائی نارمل ہونے میں72 گھنٹے لگیں گے، شہر کو پانی فراہم کرنے والے تمام پمس بند ہیں۔

پائپ لائن کے متاثر ہونے کے باعث پانی کی فراہمی میں تعطل آگیا سی ای او واٹر بورڈ نے شہریوں سے پانی کا ذخیرہ کرنے کی اپیل کردی ہے۔

ان کا کہنا ہے کہ شہری پانی کا ذخیرہ کرلیں تاکہ پریشانی نہ ہو جبکہ چیف انجینئر نے کہا کہ متاثر لائن کا مرمتی کام 48 گھنٹوں میں مکمل ہوجائے گا۔

واضح رہے کہ نیشنل گرڈ میں خرابی کی وجہ سے کراچی، لاہور اور اسلام آباد سمیت ملک کا بیشتر حصہ بجلی سے محروم ہوگیا ہے۔

بجلی کے بڑے بریک ڈاؤن کے باعث سرکاری اور پرائیویٹ اداروں میں کام متاثر ہوا ہے۔

karachi

electricity

Karachi Water Board

Break Down

Comments are closed on this story.

تبصرے

تبولا

Taboola ads will show in this div